Harriet Quimby

Harriet Quimby
(1911) Irudi gehiago
Bizitza
Jaiotza	Michigan, 1875eko maiatzaren 11
Herrialdea	Ameriketako Estatu Batuak
Heriotza	Squantum (en) , 1912ko uztailaren 1a (37 urte)
Hobiratze lekua	Kensico Cemetery (en)
Hezkuntza
Hizkuntzak	ingelesa
Jarduerak
Jarduerak	hegazkinlaria, kazetaria eta gidoilaria
Jasotako sariak	ikusi Michigan Women's Hall of Fame  (2013) Women in Aviation International National Aviation Hall of Fame  (2004)

Harriet Quimby (Arcadia, Michigan, 1875eko maiatzaren 11 – Squantum, Massachusetts, 1912ko uztailaren 1a) hegazkinlari eta zinema gidoigile estatubatuar aitzindaria izan zen. 1911an bilakatu zen lehenengo emakumea pilotoaren lizentzia lortzen AEBetan. Hurrengo urtean, 1912ko apirilaren 16an Mantxako kanala hegazkinez zeharkatu zuen lehen emakumea izan zen. 59 minututan burutu zuen zeharkaldia, eta lur hartu zuen Calais-etik 40 km-tara, hondartza batean. Hedabideen aldetik oihartzun gutxi lortu zuen, bezperan 'RMS Titanic' itsasontzi famatua hondoratu zenez eta interes guztia albiste hark bereganatu zuenez.

Hollywood

1911an Quimby-k idatzi zituen 7 gidoi film labur mutuetarako, 'Biograph Studios' etxearekin. Zazpiak zuzendu zituen D. W. Griffith-ek. Aktoreen artean Florence La Badie, Wilfred Lucas eta Blanche Sweet zeuden. Quimby bera ere aktore lan txikian agertu zen pelikula batean.

Heriotza

1912ko uztailaren 1ean hegan egin zuen topaketa batean Bostonen. William A.P. Willard, ekitaldiaren antolatzailea eta Charles Willard pilotoaren aita, berarekin batera zihoan hegazkin modelo berri batean. 300 metroko altueran matxura bat eduki zuten eta hala Willard nola Quimby hil ziren.

Kanpo loturak

• (Ingelesez)'Centennial of Flight: Harriet Quimby'.

• Datuak: Q254352
• Multimedia: Harriet Quimby / Q254352