Edukira joan

Fidelis Atienza

Aldatu loturak
Wikipedia, Entziklopedia askea
Fidelis Atienza
Bizitza
Jaiotza1918ko abenduaren 18a
Heriotza2021eko martxoaren 20a (102 urte)
Jarduerak
Jarduerakgozogilea, okina eta moja

Graciana Teofila Quinio Atienza, Fidelis erlijio-izenez ezagunagoa, (Batangas, 1918ko abenduaren 18a – Quezon Hiria, 2021eko martxoaren 20a[1]) filipinar moja, okin eta gozogilea izan zen, Artzain Onaren Erlijiosoen kongregazioko kidea[2]. Baguio hiriaren ikurretako bat den Good Shepherd ñame marmelada prestatzeagatik egin zen ezaguna[1][3].

Bizitza

[aldatu | aldatu iturburu kodea]

1918ko abenduaren 18an jaioa, Los Angelesen (Kalifornia) hasi zuen nobiziotza. 1954an lehen botoak eman zituen eta 1957an betikoak[4]. 1960ko hamarkadan Marian gozo-denda sortu zuen eta galleta kurruskariak asmatu zituen, aingeru-galleten aitzindari izan zirenak[2].

Artzain Onaren Erlijiosoen arabera, Atienzak ñame marmelada egiten hasi zen Baguiora bidali zutenean[4]. 1976an errezeta hori beste mojei erakutsi zien, eta horri esker, kongregazioak milaka gazteri hezkuntza eskaintzea ahalbidetu zuen[5]. Assumption Ocampo mojak errezeta hobetu omen zuen[6].

Baguio hiriaz gain, Filipinetako beste leku batzuetan ere lan egin zuen, hala nola Cebu probintzian, Quezon Hirian eta Tagaytayn, baita Frantzian, Hong Kongen eta Erroman ere. Bizitza gehiena Tagaytayn eman zuen[1].

2020an Quezon Hirira joan zen bizitzera eta 2021eko martxoaren 20an hil zen, 102 urte zituela[1].

Erreferentziak

[aldatu | aldatu iturburu kodea]
  1. ↑ a b c d (Ingelesez) Macairan, Evelyn. «Good Shepherd nun behind ube jam dies at 102» The Philippine Star 2021-03-22 (Noiz kontsultatua: 2024-07-20).
  2. ↑ a b (Ingelesez) Patinio, Ferdinand. «Nun behind famed Good Shepherd ube jam dies at 102» Philippine News Agency 2021-03-21 (Noiz kontsultatua: 2024-07-20).
  3. ↑ (Ingelesez) «Sister Fidelis Atienza, nun behind Good Shepherd ube jam, dies at 102» Rappler 2021-03-21 (Noiz kontsultatua: 2024-07-20).
  4. ↑ a b (Ingelesez) Mendiola, Ritchel. «Good Shepherd Nun Behind Famous Ube Jam Dies At 102» Asian Journal News 2021-03-24 (Noiz kontsultatua: 2024-07-20).
  5. ↑ (Ingelesez) Limos, Mario Alvaro. «Sister Fidelis, 'Mastermind' of Good Shepherd's Ube Jam, Dies at 102» Esquire 2021-03-21 (Noiz kontsultatua: 2024-07-20).
  6. ↑ (Ingelesez) Servando, Krisitine. «The secret in Good Shepherd Sisters' recipes» ABS-CBN News 2009-05-07.

Kanpo estekak

[aldatu | aldatu iturburu kodea]
"https://eu.wikipedia.org/w/index.php?title=Fidelis_Atienza&oldid=9855180"(e)tik eskuratuta