Blanca Calvo Moraza
| Blanca Calvo Moraza | |
|---|---|
 | |
| Bizitza | |
| Herrialdea |  Galizia |
| Heriotza | Ourense, 1939ko abenduaren 31 |
| Hezkuntza | |
| Hizkuntzak | gaztelania |
| Jarduerak | |
| Jarduerak | irakaslea, kazetaria eta idazlea |
Blanca Calvo Moraza (Ourense, Galizia, ? – Ourense, 1939ko abenduaren 31) Galiziako maistra, kazetaria eta idazlea izan zen.[1]
Bizitza
[aldatu | aldatu iturburu kodea]Protasia Moraza Berroeta eta Juan Calvoren alaba zen; haren ama Ourenseko Lehen Instrukzioko Tokiko Batzordeko kidea izan zen. Hiru ahizpa izan zituen, Carmen, Delia eta Estrella, eta neba bat, Juan Alejandro izenekoa.[2]
Ibilbidea
[aldatu | aldatu iturburu kodea]1920ko abenduaren 13an, Manuel Baltarrekin batera, Sortzez Garbiaren Langile Eskola sortu zuen, emakume helduei zuzendua, alfabeta zitezen eta ezagutzak eta kultura eskura zitzaten.[3] Geroago, Primo de Riveraren diktaduran, zinegotzia izan zen Ourensen, Maria Amor Rolanekin batera, 1925eko ekainean. Udaleko osoko bilkuran postu bat betetzen lehen emakumeak izan ziren,emakumeei karitate eta gizarte-laguntzako funtzio batzuk egiteko baimena eman zitzaienean.[4][5]
Hezitzaile eta pedagogoa izateaz gain, Acción Católica de la Mujer erakundeko presidentea izan zen 1935ean. Erakunde horren ordezkari gisa, "Emakumea etxean" bezalako hitzaldiak eman zituen, non etxeko bizitzara bideratutako emakume erlijioso eta bertutetsua defendatzen zuen, baina, aldi berean, emakumeek bizitza publikoan, negozioetan eta merkataritzan parte hartu ahal izatea garai berrietako gauza positibotzat jotzen zuen.[6][7]
Francisco Francoren diktaduran, Ourenseko Emakume Katolikoen Konfederazioko Elizbarrutiko Batasuneko presidentea izan zen.
Kazetari eta idazle gisa, besteak beste, La Región, La Libertad, El Compostelano, El Eco de Santiago eta Vallibria egunkarietan kolaboratu zuen Calvok.
Lanak
[aldatu | aldatu iturburu kodea]- 1924 – La escuela de la vida (Bizitzaren eskola)
- 1929 – Bajo el reinado de ellas. Comedia futurista en dos actos, que después publicó en folletín en La Zarpa. (Emakumeen) Beraien erreginaldian. Bi ekitaldiko komedia futurista, ondoren La Zarpa-n argitaratu zuena.[8]
Erreferentziak
[aldatu | aldatu iturburu kodea]- ↑ La Región, 4-1-1940, p. 3.
- ↑ Galante, Rosa María Cid. (2009-03-01). «Historia das nosas mulleres ourensás: BLANCA CALVO MORAZA» Historia das nosas mulleres ourensás.
- ↑ «Escola Obreira Inmaculada Concepción | Eduga» www.edu.xunta.gal.
- ↑ La Zarpa, 12-5-1925, p. 1.
- ↑ Región, La. (2020-02-21). «“Alcaldologio" ourensano» La Región.
- ↑ Galante, Rosa María Cid. (2009-03-01). «Historia das nosas mulleres ourensás: BLANCA CALVO MORAZA» Historia das nosas mulleres ourensás.
- ↑ El Pueblo Gallego, 5-5-1935, p. 14.
- ↑ La Zarpa, 21-7-1929, p. 5.
Bibliografia
[aldatu | aldatu iturburu kodea]- Couceiro Freijomil, Antonio (1951-53). Idazle Hiztegi Bio-bibliografikoa I. Galiziar Bibliofiloak. 200. or.
Kanpo etekak
[aldatu | aldatu iturburu kodea]| Autoritate kontrola |
|
|---|
Datuak: Q30608438