Apalazio

Garai batean, baserri giroko umeak taldeka elkartu egiten ziren "Urtebarri batzen" eta "Erregenetako eskeak" egiteko. Urtebarri barri eta Apalazio abesten zuten.

Euskal Herriko mendebalde baserri giroko leku askotan "Urtebarri batzen" eta "Erregen batzen" irteten ziren umeak, gehien bat hamabi urtetik beherako umeak, etxerik etxe abesten eta eskatzen. Ohitura hori Urtebarri egunean egiten zen eta berriro ere Hiru Erregeen egunean.

Bi egun horietan abesten ziren koplak nahastu egin dira kontu horiek gogoratzen duten informatzaileen memorian. Erregen batzen ibiltzeko "Apalazio" abestiaren bertsio batzuk batu dira:

Horra Labayru Herri Ondarea proiektukoek bildutako batzuk:

Apalazio zaldune,

hiru erregen egune,

hiru erregek ekarriko deurez

zotzak eta paluek

San Martinen kontuek

...

Horra Labayru Herri Ondarea proiektukoek bildutako beste bat:

Apalazio zaldune

hiru erregen egune.

Zotzak eta paluek

Estudiantien kontuek.

Sasirik sasi

asko jan ta gitxi ikasi

Labayru Herri Ondarea proiektukoek bertsio luzeago baten berri ere ematen dute:

Apalazio zaldune

hiru erregen egune.

Hiru erregek bialdu gaitu

limosnatxu bat biule.

Zotzak eta paluek

Martinikon kontuek.

Martinikori eroan dotsiez

hiru oilanda katuek.

Hareen hazurrak batu ezinik

harek dabilz saltuek.

Tiritaina Mari Montaña

Intxaurtxu bi eta lau gaztaina.

Ikus, gainera

• Urtebarri barri.