Swansea

Swansea Abertawe
Gales
Administrazioa
Estatua	Erresuma Batua
Herrialdea	Gales
Lurraldea	Swansea Hiria eta Konderria
Postakodea	SA1-SA7
OS grid kodea	SS6593
Geografia
Koordenatuak	51°37′00″N 3°57′00″W
Demografia
Biztanleria	Hiria: 242.400 (2011) Hirigunea: 300.352 (2011)
Bestelako informazioa

Swansea (galeseraz Abertawe) Galesko hegoaldean dagoen kostaldeko hiria eta izen bereko konderria da, herrialde osoko bigarren handiena dena, Cardiff ondoren. Izen bereko Swansea badiaren ertzean kokatua dago.

2005ean 226.400 biztanle zituen.

Historia

Hiriko izenaren jatorria ez dago argi, baina sustrai bikingoak dituela diote aditu batzuk. Bestela, galeserazko izena XIII. mendean agertu zen lehenengo aldiz idatzita.

Historian aurrera, XIX. mendean Swansea izan zen kobrearen industriaren munduko erdiguneetakoa, eta 'Copperopolis' ezizena jaso zuen. Kulturari dagokionez, 1897an hiriko antzoki nagusia zabaldu zuten, "Swansea Grand Theatre" alegia.

1906ko ekainaren 27an lurrikara indartsuak hiria jo zuen, eta 1941eko otsailean hiru egunez bonbardatu zuten hiria naziek, erdiguneko hainbat eraikin suntsituz.

Kirolak

Swansea City AFC hiriko futbol talde nagusia da, 1912an sortua (Swansea Town) eta 1980ko hamarkadaren hasieran arrakasta handienak lortu zituena: Galesko Kopa hiru aldiz jarraian irabazi zuen eta Football League First Division mailarik gorenera igo ziren, John Benjamin Toshacken eskutik. Liberty estadioan jokatzen dituzte etxeko partidak.

Zinema

1997an hiri honetan Twin Town filma filmatu zen.

Hiri senidetuak

Swansea ondorengo hiriekin senidetuta dago:

• Mannheim (Alemania)
• Sinop (Turkia)
• Paue (Frantzia)
• Cork (Irlandako Errepublika)
• Bydgoszcz (Polonia)

Swanseatar ezagunak

• Dylan Thomas (1914–1953), ingelesezko poeta.
• Mervyn Davies (1946-2012), errugbilaria.
• Menna Elfyn (1951-), idazlea.
• Vincent Regan (1965-), aktorea.
• Catherine Zeta-Jones (1969-), aktorea.

Irudi galeria

• 
  Three Cliffs Bay badia.
• 
  Bracelet Bay, Mumbles eta Swansea Bay, Mumbles itsasargitik ikusita.
• 
  Technium Centre.
• 
  Hiriko antzoki nagusia.
• 
  Liberty estadioa.

Kanpo estekak

• (Ingelesez) (Galeseraz) Swansea hiriko webgune ofiziala

• Datuak: Q23051
• Multimedia: Swansea / Q23051