John William Waterhouse

John William Waterhouse
	; Irudi gehiago
Bizitza
Jaiotza	Erroma, 1849ko apirilaren 6a
Herrialdea	Britainia Handia eta Irlandako Erresuma Batua ; Italiako Erresuma (1861eko martxoaren 17a - 1917ko otsailaren 10a)
Heriotza	Londres, 1917ko otsailaren 11 (67 urte)
Hobiratze lekua	Kensal Greengo hilerria
Heriotza modua	berezko heriotza: minbizia
Familia
Ezkontidea(k)	Esther Kenworthy Waterhouse (1883 -
Hezkuntza
Heziketa	Royal Academy of Arts
Hizkuntzak	ingelesa
Jarduerak
Jarduerak	margolaria eta arkitektura proiektuen marrazkilaria
Lantokia(k)	Erresuma Batua; Erroma eta Londres
Lan nabarmenak	ikusi The Lady of Shalott (en) ; Circe Offering the Cup to Ulysses (en) ; Gather Ye Rosebuds While Ye May (en) ; Sleep and his Half-brother Death (en) ; Ophelia (en) ; Hylas and the Nymphs (en) ;
Kidetza	Royal Academy of Arts
Mugimendua	Prerrafaelismoa; neo-Pompeian (en) ; inpresionismoa; sinbolismoa
Genero artistikoa	erretratua
Zerbitzu militarra
Adar militarra	Britainia Handiko Armada

Inprimatzeko bertsioa dagoeneko ez dago onartuta, eta baliteke errepresentazio erroreak izatea. Egunera itzazu zure nabigatzaileko laster-markak, eta horren ordez erabil ezazu nabigatzaileko inprimatze funtzio lehenetsia.

John William Waterhouse (Erroma, 1849ko apirilaren 6a - Londres, 1917ko otsailaren 10a) Italian jaiotako margolari ingelesa, bere lanek ospe handia eman zioten. Bere margolaritza hasieran neoklasizismoan kokatzen bazen, ondoren prerrafaelismoa eta Frantziatik zabaldutako inpresionisten plain air estiloa ere landu zuen. Bere estilo leuna eta misteriotsuak erromantizismoaren eragina erakutsi zuen; horregatik ere, nolabait, sinbolismoarekin lotu dezakegu.^[1]

Biografia

John William Waterhouse Erroman jaio zen, 1849an. Aita ingelesa zen eta margolari gisa lan egiten zuen Italian. "Nino" ezizena jarri zioten haurtzaroan. 1850eko hamarkadan Ingalaterrara itzuli zen familiarekin, eta han aitaren italiera ikasi eta tailerrean lagundu zion. 1870ean Londresko Royal Academy Schoolsen sartu zen. Bere lehen lanak gai klasikokoak ziren eta Royal Academyn, Britainiar Artisten Elkartean eta Dudley Galleryn erakutsi zituen. Hogeita zortzi urterekin atzerrira bidaiatu zuen berriro ere, Italia bereziki maite zuelarik, eta ondorioz, Italiako bizimoduak eta ohiturek eraginda, oso isolatuta geratu zen bere lanetan. Garai honetako sorkuntzak antzinako historiaren eta genero klasikoaren ingurukoak dira, Lawrence Alma-Tadema margolariaren antzekoak. Hala ere, ekialdeko aire jakin batzuk zituzten pinturak ere sortu zituen.

1880tik aurrera bere koadroak Royal Academyn eta The Academyn erakusten zituen urtero. 1885 eta 1895 urteen artean Royal Academyko bazkide eta akademiko izendatu zuten. 1883an, Esther Kenworthyrekin ezkondu ondoren, Waterhouse Primrose Hill Studiosen finkatu zen. Arthur Rackham eta Patrick Caulfield artistak ere Primrose Hill Studiosen izan ziren. 1891n, Waterhousek modelo bat ezagutu zuen, Muriel Foster izena omen zuena, gerora ospetsuak izango ziren bere margolanetarako posatzen hasi zena.

Alexander Henderson finantzariak babestu zuen Waterhouse, eta 1903tik hil zen arte hainbat margolan erosi zizkion. Waterhouse Londresen hil zen, 1917ko otsailaren 10ean.^[2]

Ibilbide artistikoa

Waterhouseren estilo piktorikoa ia aldatu gabe mantendu zen bere bizitza osoan, baina nolanahi ere, bere lanen gaia aldatuz joan zen igarotzen ari zen etaparen arabera.

Lehen etapan, gai klasikoko lanak bereiz ditzakegu, Waterhousek Italian zehar egindako bidaiei dagozkienak. 1880tik aurrera literatur gaietan oinarritutako garai berri bati ekin zion, non greziar mitologia eta literaturaren eragin nabarmena ikusten den. 1900etik aurrera, Inpresionismoaren eraginez, lasaiago agertzen da eta kolore argiagoak eta distiratsuagoak erabiltzen ditu.^[3]^[4]

Lan nabarmenduak

Sleep and his Half-brother Death (1874)
The Favourites of the Emperor Honorius (1883)
The Lady of Shalott (1888)
Ulysses and the Sirens (1891)
Hylas and the Nymphs (1896)

Iruditegia

1888 - Shalotten anderea.
1889 - Ofelia.
1903 - Eko eta Narziso.
1882 - Diogenes
1896 - Hylas eta ninfak.
1900 - Uhandrea.

Erreferentziak

↑ https://historia-arte.com/artistas/john-william-waterhouse
↑ Trippi, Peter. J.M. Waterhouse., Phaidon. 2002
↑ Trippi, Peter; Prettejohn, Elizabeth; Upstone, Robert. J.M. Waterhouse: The Modern Pre-Raphaelite Gallery Guide. The Royal Academy of Arts.
↑ https://www.todocuadros.es/pintores-famosos/waterhouse/

Kanpo estekak

(Gaztelaniaz):John William Waterhouse (1849-1917).
(Ingelesez):John William Waterhouseren artea eta biografia.
(Ingelesez):John William Waterhouse Taten.

Datuak: Q212754
Multimedia: John William Waterhouse / Q212754

[1] ttps://historia-arte.com/artistas/john-william-waterhouse

[2] Trippi, Peter. J.M. Waterhouse., Phaidon. 2002

[3] Trippi, Peter; Prettejohn, Elizabeth; Upstone, Robert. J.M. Waterhouse: The Modern Pre-Raphaelite Gallery Guide. The Royal Academy of Arts.

[4] ttps://www.todocuadros.es/pintores-famosos/waterhouse/

[1]

[2]

[3]

[4]