Biljana Plavšić

Biljana Plavšić
	; (1996) Irudi gehiago
2. Bosniako Serbiar Errepublikako presidentea	; 1996ko uztailaren 19a - 1998ko azaroaren 4a ; ← Radovan Karadžić - Nikola Poplašen (en) →
2. Bosniako Serbiar Errepublikako presidentea
Bizitza
Jaiotza	Tuzla, 1930eko uztailaren 7a (94 urte)
Herrialdea	Bosnia-Herzegovina ; Jugoslaviako Errepublika Federal Sozialista ; Jugoslaviako Erresuma
Hezkuntza
Heziketa	Sarajevoko Unibertsitatea
Hizkuntzak	serbiera; Kroaziera
Jarduerak
Jarduerak	politikaria eta unibertsitateko irakaslea
Enplegatzailea(k)	Sarajevoko Unibertsitatea
Jasotako sariak	ikusi Fulbright beka ; Order of the Republika Srpska ;
Sinesmenak eta ideologia
Erlijioa	Serbiako Eliza Ortodoxoa
Alderdi politikoa	Serbian Democratic Party (en) ; Serbian People's Alliance of the Republika Srpska (en)

Inprimatzeko bertsioa dagoeneko ez dago onartuta, eta baliteke errepresentazio erroreak izatea. Egunera itzazu zure nabigatzaileko laster-markak, eta horren ordez erabil ezazu nabigatzaileko inprimatze funtzio lehenetsia.

Biljana Plavsic (Izengoitia: Burdinazko Andrea ; Tuzla, Bosnia-Herzegovina, 1930eko uztailaren 7a) serbiar-bosniar politikaria da.

Bi urtez New Yorken ikasi ondoren Sarajevoko Unibertsitateko biologiako irakaslea izan zen, eta biologia-saileko buru izatera iritsi zen; 1980an Jugoslaviako Arte eta Zientzietako Akademiako kide izendatu zuten. Plavsic politikari abertzale sutsua da, Radovan Karadzic buruzagi serbiar-bosniarraren laguntzailea. Bere jarduera politikoa Bosnia eta Herzegovinako Alderdi Demokratiko Serbiarra alderdi nazionalistan hasi zuen (SDS). 1990-1992 bitartean (gerra hasi zen arte, alegia) Bosniako lehendakaritzarako hautaturiko bi serbiarretako bat izan zen. Gerra-garaian Bosniako Errepublika Serbiarrarekin bat egin zuen, eta Karadzic lehendakariaren bi lehendakariordeetako bat izan zen. Daytongo bake-hitzarmenetan (1995) Karadzic eta beste zenbait agintari kondenatu zituztelarik, Karadzicen ordezko izendatu zuten 1996an, Bosniako federazioaren baitako serbiar estatuaren lehendakari-karguan. Plavsicek serbiarrek musulmanak eta kroaziarrak hiltzea gertaera biologiko natural bat dela esan izan du, besteak beste. Azkenik, bere agintaldian, nazioarteko presioaren eraginez, zenbait buruzagi kanporatu behar izan zituen eta erreforma politikoak egingo zituela hitz eman behar izan zuen. Karadzicek, ordea, SDS alderdiko bileretan parte hartzeko debekua ezarri zion, besteak beste. 1997an Plavsicek legebiltzarra deuseztatu eta hauteskunde orokorrak deitu zituen. 1998ko hauteskundeak galdu ondoren, eta TPIY Jugoslavia Ohirako Nazioarteko Auzitegiaren akusazioaren ondorioz, bere karrera politikoari amaiera eman zion. TPIY Jugoslavia Ohirako Nazioarteko Auzitegiak gizateriaren aurkako eta gerra-krimenetan eta genozidio batean parte hartzea leporatzen zuen, eta hori dela-eta, 2003tik 2009ra Hinsebergeko espetxean (Suezian) egon zen preso.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q26769
Multimedia: Biljana Plavšić / Q26769