York

York Ingalaterrako ipar-ekialdeko hiria da, Ouse eta Foss ibaien artean dagoena, izen bereko haranean. 2001ean 181.094 biztanle zituen. Hiriak kokatzen den Yorkshire konderriari izena ematen dio. Garai batean Konderriaren administraziopean zegoen arren, 1996tik hiri autonomoa da.

York Jórvek
hiri-konderria
Irudi gehiago
Administrazioa
Estatu burujabe	Erresuma Batua
Herrialdea	Ingalaterra
Ingalaterrako eskualdea	Ipar-ekialdeko Ingalaterra
Ingalaterrako konderri zeremoniala	Iparraldeko Yorkshire
Ingalaterrako autoritate unitarioaren eremua	City of York
Izen ofiziala	York
Jatorrizko izena	Jórvek
Posta kodea	YO1, YO10, YO19, YO23, YO24, YO26, YO30, YO31, YO32
Geografia
Koordenatuak	53°57′N 1°05′W
Azalera	271,94 km²
Altuera	25 m
Demografia
Biztanleria	208.400 (2016) 10.349 (2011)
Dentsitatea	766 bizt/km²
Informazio gehigarria
Sorrera	71
Telefono aurrizkia	01904
Ordu eremua	UTC±00:00 eta UTC+01:00
Hiri senidetuak	Dijon, Münster eta Nanjing
york.gov.uk

Ameriketako Estatu Batuetako New York hiriaren izenak honi egiten dio erreferentzia.

202.400 biztanle ditu (2010).

Ekonomia

Azken urteetan industria asko indartu da: metalurgia eta industria mekanikoak, gai elektrikoak, elikagaiak.

Historia

K. o. 71. urteaz geroztik erromatarren egoitza izan zen (Eboracum) eta han izendatu zuten enperadore Konstantino.

V. mendean saxoniarrek hiria hartu eta Northumbriako erresumako hiriburu egin zuten.

VII. mendea kultura eta erlijiozko errenazimentu aroa izan zen.

IX. mendean daniar bikingoek eskualdea beretu zuten, Jorvikeko erresuma zeritzona sortuz (hortik dator gaur egungo York izena).

XI. mendean normandiarrek bereganatu zuten.

XII. mendean, eskualdeko nekazaritzak aberastasun handia ekarri zion hiriburuari. Erdi Aroan erresumako bigarren hiri garrantzitsuena izan zen.

XVI. mendean erlijio ordenak desagertarazi zituzten eta ekonomiak lur jo zuen.

XVII. mendean, erregezaleek indar handia izan zuten Yorken.

XIX. mendean nekazaritzaren beheraldiak eragin handia izan zuen hiriaren gainbeheran.

Ondasun nabarmenak

Yorkeko katedrala (York Minster) Ingalaterrako katedral handienetako bat da; 1220tik 1740ra eraiki zen, antzinako gotiko estiloan; beirateak XIV. eta XV. mendekoak dira.

XIV. eta XV. mendeko etxe eta eliza asko ditu hiriak; aipagarriak dira baita ere XI. mende bukaerako beneditarren abade-eliza baten aztarnak eta Gilermo Konkistatzaileak eraikitako gaztelua.

Irudi galeria

• 
  Yorkeko katedralaren ikuspegia, hiriko harresietatik
• 
  Yorkeko Shambles, Erdi Aroko kalea
• 
  Clifforden dorrea, York gazteluaren zati dena
• 
  Erret antzokia

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

• (Ingelesez) York-eko Udalaren web gune ofiziala

• Datuak: Q42462
• Multimedia: York, England / Q42462