Alderdi Iraultzaile Instituzionala

Alderdi Iraultzaile Instituzionala
Datuak
Izen ofiziala	Partido Revolucionario Institucional
Mota	alderdi politikoa
Herrialdea	Mexiko
Ideologia	konstituzionalismoa, civic nationalism (en) , liberalismoa, Korporatibismoa, sozialdemokrazia, sozialismo demokratikoa, import substitution industrialization (en) eta Sekularismoa
Kokapen politikoa	zentrismo
Jarduera
Kidetza	Internazional Sozialista
Agintea
Lehendakaria	Alejandro Moreno Cárdenas
Idazkari orokorra	Carolina vigano (en)
Egoitza nagusi	Mexiko Hiria;
Historia
Sorrera	1929ko martxoaren 4a
Sortzailea	Plutarco Elías Calles
Koloreak
	webgune ofiziala;

Alderdi Iraultzaile Instituzionala (gaztelaniaz: Partido Revolucionario Institucional edo PRI)^[1] Mexikoko alderdi politiko bat da,^[2] Plutarco Elías Calles presidente ohiak Alderdi Nazional Iraultzaile izenpean 1929ko martxoaren 4an sortua. Hirurogeita hamar urtez jarraian, 1930etik 2000ra, herrialdeko alderdi nagusia izan zen. 1988an bere zatiketarik handiena jasan zuen, Korronte Demokratikoa banandu zenean. Zatiketak Iraultza Demokratikoaren Alderdiaren sorrera eragin zuen.^[3]

Bederatzi hamarkadatan zehar, alderdiak ideologia ugari izan ditu, askotan presidenteak berak erabakitakoak. Bere hastapenetan, ezkertiar idealak zituen alderdi bezala definitu zen, amaitu berri zen Mexikoko Iraultzak markatua. 1980ko hamarkadan, alderdiari hainbat erreforma neoliberal egin zizkioten, eta erreforma horiek zentro-eskuineko politika gisa identifikatutariko egungo joera eragin zuten: Estatuko enpresen pribatizazioa, Eliza katolikoarekiko harremanak berrezartzea eta merkatu askeko kapitalismoa ezartzea, besteak beste.^[4]^[5]