Melchior Paul von Deschwanden
Melchior-Paul von Deschwanden (1811ko urtarrilaren 10a – 1881eko otsailaren 25a) suitzar margolaria izan zen. Batik bat erlijio gaiak margotu zituen.
| Melchior Paul von Deschwanden | |
|---|---|
 | |
| Bizitza | |
| Jaiotza | Stans, 1811ko urtarrilaren 10a |
| Herrialdea |  Suitza |
| Heriotza | Stans, 1881eko otsailaren 25a (70 urte) |
| Hezkuntza | |
| Heziketa | Municheko arte ederren akademia Academy of Fine Arts, Florence (en)  |
| Hizkuntzak | alemana |
| Irakaslea(k) | Johann Caspar Schinz (en) Daniel Albert Freudweiler |
| Jarduerak | |
| Jarduerak | margolaria |
| Mugimendua | Nazaretar artea paintings in churches (en) Düsseldorfeko margolaritza eskola |
Gaztaroa
aldatuStansen jaioa, Nidwaldengo Kantoian. Aita Johann Baptist Deschwanden eta ama Regina Luthiger zituen. Erromatar katolikoa eta ezkongabe bizi izan zen.
Prestakuntza Artistikoa
aldatuHasierako marrazketa ikaskideak ondoko hauek izan zituen: Louis Victor von Deschwanden, Johann Kaspar Moos (1825-1826), Daniel Albert Freudweiler eta Johann Caspar Schinz (1827). Ondoren Munichko Akademian ikasi zuen (1830). Lausanara frantsesa ikastera joan zen (1835-1836), eta etxera itzultzean (1838-1840) Florentziako Akademian burutu zituen ikasketak. Han zegoela gizonezko bat biluzik egindako margolan bati esker sari bat irabazi zuen. Fra Angelicoren lanen jarraitzailea izan zen.
Erlijio Margolaria
aldatuFriedrich Overbeck nazaretarra ezagutu ondoren, erlijio pintura besterik ez egiteko erabaki sendoa hartu zuen. Suitzara itzuli ostean, lehendabiziko erlijio margo agindu bat jaso izan zuen, hots, Luzernako San Pedro kaperako erretaula egiteko agindua. 1842an Düsseldorf eskolako margolari kideak ezagutu eta Edward Steinle austriar artistaren lanarekin mirestuta gelditu zen; Edward Steinle nazaretar zeritzoten margolaria zen eta erlijio gaiak margotzen zituen. 1845an Munich-eko St. Louis elizan Peter von Corneliusen margoak ikusi zituen, nazaretar jarraitzailea ere eta honen ikaslea izan zen Wilhelm von Kaulbachekin elkartu zen. Erretratuak egiteko dohaina bazuen ere, erlijio margoak egiteari ekin zion, konposizio ulerkor bakunak eginez. Deschwandenek 2.000 lan inguru margotu omen zituen eta 40 urtez Suitzako erlijio pinturetan gailendu zen, bai Katoliko eta bai Protestanteen aldekoak, biak ala biak bere lana estimatzen baitzuten. Hala bada, bere lana mundu osoan barrena zabaldu zen eta haren lanak Annapolis, Maryland eta Kentuckyn ere aurki daitezke. Horrez gain bere lana litografien bidez ere asko hedatu izan zen.
Ikasleak
aldatuIkasle ugari izan zituen, besteak beste Stans Adalbert Baggenstos, eta Adolfo Müller-Ury, azken honen besoetan 1881eko otsailean zendu zela dokumentatuta dago.
Deschwanden Memorial
aldatu1993 urtean antzinako Nidwaldner Kantonalbank lorategiaren parean Stanser Blaesi (1903-1979) eskultoreak egindako Deschwandenen omenezko monumentua dago.
Datuak: Q683169
Multimedia: Melchior Paul von Deschwanden / Q683169