Marie-Claire Alain

Marie-Claire Alain (Saint-Germain-en-Laye, Frantzia, 1926ko abuztuaren 10a - Le Pecq, Frantzia, 2013ko otsailaren 26a) frantses organista izan zen.

Marie-Claire Alain
Irudi gehiago
Bizitza
Jaiotzako izen-deiturak	Marie-Claire Geneviève Alain
Jaiotza	Saint-Germain-en-Laye, 1926ko abuztuaren 10a
Herrialdea	Frantzia
Heriotza	Le Pecq, 2013ko otsailaren 26a (86 urte)
Hobiratze lekua	Saint Germain-en-Laye Old Communal Cemetery (en)
Familia
Aita	Albert Alain
Haurrideak	ikusi Jehan Alain Olivier Alain
Hezkuntza
Heziketa	Parisko Kontserbatorioa
Hizkuntzak	frantsesa
Irakaslea(k)	Marcel Dupré
Ikaslea(k)	ikusi Philippe Delacour (en) Jesse Eschbach (en)
Jarduerak
Jarduerak	organista, organ teacher (en) , musikologoa, musika-irakaslea eta klabezin-jotzailea
Jasotako sariak	ikusi Ohorezko Legioko ofizial handia Commander of the National Order of Merit Arte eta letren komendadorea Léonie Sonning Music Prize  (1980) Knight of the Order of the Dannebrog
Genero artistikoa	musika klasikoa
Musika instrumentua	organoa
Diskoetxea	Erato Records (en)

Marie-Claire Alain organoa jotzen, 1975ean.

Biografia

Musikari-familia batean jaio zen. Aita (Albert) eta anaia (Jehan) musikagileak zituen, eta sarritan jo izan zuen haien musika. Parisko Kontserbatorioan egin zituen ikasketak, eta, ikasten ari zela, hainbat sari bereganatu zituen, gerora izandako ibilbide bikaina iragartzen zutenak.

Gehienbat Bachen musikan trebatu bazen ere, ez zuen albo batera utzi organoari dagokion gainerako musika, ez barrokoa edo erromantikoa (besteak beste, César Francken interpretatzaile aparta zen), ezta XX. mendekoa ere.

Musika-interpretazioari dagokionez, adierazkortasun handiaz gainera, joaldien argitasuna eta organo-erregistroetan zuen trebetasuna nabaritu izan ziren emakume organista honengan. Musika-irakaskuntzan ere gailendu zen, gaitasun handia erakutsi baitzuen ikasleak, teknikan baino haratago, interpretatzen ari ziren autorearen eta obraren munduan murgilarazteko.

Honoris causa doktorea izan zen Colorado eta Texasko unibertsitateetan, eta hainbat musika-lan ere eskaini zioten, Charles Chayneren "Organo Kontzertua", esate baterako. Musika-grabazioak ere ugari egin zituen; besteak beste, Bachen eta bere anaia Jehanen organorako lan guztiak grabatu zituen.

Erreferentziak

Wikimedia Commonsen badira fitxategi gehiago, gai hau dutenak: Marie-Claire Alain

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q237139
• Multimedia: Marie-Claire Alain / Q237139