Maki (Frantziako Erresistentzia)
Maki (frantsesez: maquis, maˈki ahoskatua, euskaraz «Korsikako xara»; korsikeraz macchia) okupatzaileen aurka mendira jo duen gerrillaria; mendi gerrilla bera. Maki izena hartu zuten Frantzian alemaniar nazien aurka aritutako gerrillariek (frantsesez: prendre le maquis, «mendira jo»), eta izen bera eman zitzaien Espainiako estatuan Francoren erregimenaren aurka 1950ez geroko urteetan mendira jo zuten gerrillariei, makiak.
- Artikulu hau gerrillari buruzkoa da; beste esanahietarako, ikus «maki».
Bigarren Mundu Gerran, Espainiako Alderdi Komunistaren gidaritzapean jardun zuten. Frantzian espainiar burkideez osatutako maki talde gehienek eta 1944ko urrian, Frantziako lurralde gehienetatik naziak kanporatu ondoren, ekin zioten eraso handi bati, Pirinioetan barrena. Bi mila gerrillari inguru igaro ziren erasoaldi hartan Nafarroako mendietatik, baina huts egin zuen saioak alde guztietan, maki gehienak Espainiako gerran eta nazien aurkako gerrillan zailduriko gerrillariak ziren arren. Hego Euskal Herrian ezin izan ziren errotu makiak eta bertan behera utzi behar izan zituzten maki egitura egonkor bat sortzeko saio guztiak.
Bibliografia
aldatu- François Marcot La Résistance et les Français: Lutte armée et maquis Colloque international de Besançon 15-17 de junio: Université de Franche-Comté, Université de Bourgogne, Paris: Annales littéraires de l'Université de Franche-Comté, 1996, 2003 ISBN 2-251-60617-3
- François Marcot, Bruno Leroux, Christine Levisse-Touzé Dictionnaire historique de la Résistance : Résistance intérieure et France libre. París: Robert Laffont, 2006 ISBN 2-221-09997-4
- Harry R. Kedward In Search of the Maquis: Rural Resistance in Southern France 1942-1944 Oxford Univ. Press, 1995 ISBN 0-19-820578-3, frz.: A la recherche du maquis Paris: le Cerf, 1999 ISBN 2-204-06104-2
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2014-6-14 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
