Kirkcaldy

Kirkcaldy, Eskoziako gaeleraz: Cair Chaladain eta eskozieraz: Kirkcaldy, Eskozia ekialdeko udalerria da, Fifen dagoena. 2014ko erroldaren arabera 49.460 biztanle ditu eta inguruko herriekin batera 180.220ko biztanleria osatzen du.

Kirkcaldy Cathair Chaladain
Eskozia
Irudi gehiago
Administrazioa
Estatu burujabe	Erresuma Batua
Herrialdea	Eskozia
Eskoziako kontseilu gunea	Fife
Posta kodea	KY1 eta KY2
Geografia
Koordenatuak	56°06′39″N 3°10′03″W
Azalera	18 km²
Demografia
Biztanleria	48.108 (2001) 50.010 (2016) (2001)
Dentsitatea	2.673 bizt/km²
Informazio gehigarria
Telefono aurrizkia	01592
Ordu eremua	UTC±00:00
Hiri senidetuak	Ingolstadt

Geografia

Fortheko fiordoaren iparraldeko ertzean kokatuta, Dundee eta Edinburgh arteko hirietatik handiena da, Dunfermlineren parean. Scotseraz "Lang Toun" du ezizena (euskaraz 'herri luzea') bere kale nagusiak, XVI. mendeko mapetan jadanik agertzen zena 1,4 kilometro dituelako (6,4 km ere izan zituelako).

Etimologia

Kirkcaldy izenak piktoerazko jatorria du eta "ibi gogorreko tokia" esan nahi du.

Historia

Brontze Arotik populatua izan da Kirkcaldy ingurua baina herriaren lehenengo aipamena 1075ekoa da, Malcolm III.a Eskoziakoak eliza eraikitzeko baimena eman zuen agiria hain zuzen ere. Dunfermlineko abadiaren esku gelditu zen berehala eta hala jarraitu zuen 1644an Karlos I.a Ingalaterrakoa eta Eskoziakoak errege burgo bihurtu zuen arte.

XIV mendean eraikitako itsas-portuak merkataritza ekarri zuen eta gatz ekoizpenak, ikatz meategiek eta iltzegintzak bultzada ekonomikoa ekarri zion. XVII mendean liho ekoizpenarekin industrializazioa abiatu zen eta 1877tik aurrera linoleoa bihurtu zen herriaren produktu esanguratsuena. 1960 hamarkadararte mundu mailako linoeloa ekoizlerik handienetakoa izan zen Kirkcaldy.

Ondasun nabarmenak

• Ravenscraig gaztelua

Iruditegia

• 
  Ravenscraig gaztelua.
• 
  Udaletxea.
• 
  Old Kirk, eliza zaharra.
• 
  San Bryce eliza.
• 
  Merkatarien etxea.
• 
  Postetxe zaharra.
• 
  Linoleo lantegia.
• 
  Kirkcaldyko Arte Museoa.
• 
  Dunnikier etxea.
• 
  Beveridge parkeko aintzira.
• 
  Sailors' Walk.
• 
  Kaia.

Kirkcaldytar ezagunak

• Robert Adam (1728-1792), arkitektoa
• Gordon Brown, Erresuma Batuko Lehen Ministroa, Glasgowen jaioa bada ere, Kirkcaldyn ikasi zuen.
• Adam Smith (1723-1790), filosofo eta ekonomista.

Kanpo estekak

• Datuak: Q691685
• Multimedia: Kirkcaldy / Q691685