Kable ardazkide

Kable ardazkidea bi eroale zentrokidez osatutako kablea da. Erdiko eroalea edo nukleoa, kobrezko hari solidoz egina dago, geruza isolatzaile batez inguratua. Honek kanpoko eroaletik babesten du, azken hau aluminioz edo kobrez osatutako sare bat da. Kanpoko eroaleak apantailamendua eragiten du eta gainera korronteen itzulerarako balio du. Egitura osoa geruza isolatzaile batek babesten du. Kable ardazkide mota ugari dago, diametro eta inpedantzia ezberdinekoak. Erabileren artean banda zabaleko komunikazio sareak (telebista kablea) eta banda baseko kableak (Ethernet) aipa daitezke. Orokorrean, kable ardazkideak ez du kanpoko interferentzien eragina jasaten eta ondorioz, garraio abiadura handia lor daiteke distantzia luzetan.

LAN sareetan bi motako kable ardazkideak erabili ohi dira: lodia eta mehea. Erabilitako kablearen arabera 300 Hz eta 3000 MHz arteko banda zabalerak lor daitezke. Gainera, bi zuntz optiko mota ere erabiltzen dira, monomodoa eta multimodoa.

Zuntz optikoaren erabilera masiboaren aurretik, ardazkidea oso erabilia zen maiztasun-zatiketa bidezko multiplexazioan (FDM, Frequency Division Multiplexing) oinarritutako transmisio sistema analogikoetan.

Halaber, denbora-zatiketa bidezko multiplexazioan (TDM, Time Division Multiplexing) oinarritutako sistema digitaletan, 64 kbps-ko 7000 kanal igor zitezkeen.

Transmisio hauetan erabilitako kableak LAN sareetan erabiltzen denaren egitura desberdina zuen. Izan ere, lurperatuta instalatzen zenez, trakzio eta presio esfortzuen aurreko babesa behar zuen. Hori dela eta, ohiko babesez gain, altzairuzko oskol bat izaten zuen.

Kable ardazkide motak

Ardazkide mota bi daude:

Mehea: 6mm lodiera, malgua eta berarekin oso erraz lan egiten da. Seinalea indargabetu gabe 185 metrotara hel daiteke. Kable mehea RG-58 familiako kableetan sartzen da. Mota honen kablerik ezagunena 10base2 da.

10base2: Ardazkide mehea, 185 metro (thinnet), 10-100 Mb/s, "BNC" konektorea.

Lodia: 12mm lodiera, gogorra eta berarekin lan egiteko neketsua da. Kable honen muina lodia da eta distantzia handiagoekin atenuaziorik gabe lan egiteko erabiltzen da. Mehea baino garestiagoa da. Mota honen kablerik ezagunena 10base5 da.

10base5: Ardazkide lodia, 500 metro (thicknet), 10-1000 Mb/s-ko, AUI konektorea.

Bi inpedantziako kable ardazkideka daude:

75 ohm: Transmisio analogikorako,banda zabala eta Telebistan erabiliak, kanal ezberdinak, 300MHz.
50 ohm: Transmisio digitalerako erabili ohi da, oinarri banda eta Ethernet-en erabiliak, kanal bat.

Ardazkide mehearen konektoreak:

BNC kablearen konektorea, bat mutur bakoitzeko.
BNC “T” konektorea: Hiru mutur ditu. Mutur batek sare-txartela eta kablea lotzen ditu. Gainerako biek sarearekin lotzeko balio dute. Sarearen muturreko T konexioak terminal-buru bat izan behar du. (ikusi marrazkia)
BNC terminal-burua: Ez du uzten seinalea islatzen.
BNC konektore zilindrikoa: Kable labur bi lotzeko, luzeagoa egiteko.

RG konexioak

Ondoko taulan, kable ardazkide mehearen kableri motaren hurbilketa bat besterik egin nahi izan dugu:

Kablea	Deskribapena
RG-58 /U	Kobrezko muina
RG-58 A/U	Pare kordatuko muina
RG-58 C/U	RG-58 A/U baina eskakizun militarrentzako
RG-59	Banda-zabalerako transmisioa (telebista bezalako seinalea)
RG-6	RG-59 baino diametro handiago eta maiztasun handiagoak onartzen ditu baina gainera, banda-zabalerako ere erabil daiteke
RG-62	ARCNET sareak

Kableak alderazteko taulak

Irizpideak	Pare kordatua	Banda zabaleko ardazkidea (mehea)	Banda zabaleko ardazkidea (lodia)	Zuntz optikoa
Banda-zabalera (0-N Hz)	Erdiko	Erdiko	Altu	Oso altua
Datu-transferentziaren fidagarritasuna	Baxu	Altu	Altu	Oso altua
Interferentzia probabilitatea	Altua	Erdiko	Baxu	Bat ere ez
Transmisioaren segurtasuna	Baxu	Baxu	Baxu	Altu
Luzera	Baxu	Erdiko	Altu	Oso altua
Instalazioa	Erraza	Erraza	Erdiko	Oso zaila

beste irizpideekin:

Irizpideak ''''	Pare kordatua (10BaseT)	Ardazkide mehea (10Base2)	Ardazkide lodia (10Base5)	Zuntz optikoa
Prezioa	Merkeena	Pare kordatua baino garestiagoa	Ardazkide mehea baino garestiagoa	Garestiena
Gehienezko luzera erabilgarria*	100* metro	185 metro	500 metro	2* kilometro
Transmisio-abiadura**	10-100 Mb/s	10-100 Mb/s	10-1000 Mb/s edo eghaigo	1-2Gb/s edo gehiago
Kablearen malgutasuna	Malguena	Pare kordatua baino malgutasun gutxiago	Pare kordatua baino malgutasun gutxiago	Ez malgua
Instalazioa	Oso erraza	Erraza	Erraza	Zaila
Interferentzien kontrako babesa	Txarra	Ona	Ona	Oso ona
Errepikagailuen arteko distantzia	2-10 km	1-10 km	1-10 km	10-100 km
Konektore mota	RJ-45 (ISO 8877)	BNC	AUI	SC, ST
Transmisioren segurtasuna	Gutxi	Gutxi	Gutxi	Asko
Erabilera nagusiak	Bulegoko ia sare guztietan (ethernet). UTP: instalazio txikietan STP: Token Ring sareko edozein tamainetan	Segurtasun handiko instalazio erdi eta handietan	Segurtasun handiko instalazio erdi eta handietan	Abiadura eta segurtasun handiko edozein motatako instalazioetan

* Teknologia aurreratzen doan heinean gehienezko luzera handitzen da.

** Kable batentzako transmisio-abiadurak ez daude hertsiki mugatuak. (hau da, abiadura muga gaindi daiteke)

Ze lekutarako erabilgarriak:

Kable mota	ERABILI	EZ ERABILI
Pare kordatua	Instalazio errazetan non ekipoen arteko konexioak errazak gertatzen diren	LAN sareak uhin elektromagnetikoen aurka babesa behar duenetan
Kable ardazkidea	Distantzia handiagoko transmisioak egiteko	Ekipoak lekuz maiz aldatzen direnetan
Zuntz optikoa	Datuak distantzia handietan, abiadura handiz eta modu seguruan bidali nahi direnean	Aurrekontu apala. Ez baduzu eskarmenturik honelako gailuak instalatzen.

Ikus, gainera

Kanpo estekak

Datuak: Q183389
Multimedia: Coaxial cables / Q183389