Juan Ortuoste
Juan Marino Ortuoste Blanco (Bilbo, 1948 - ) euskal zinema zuzendari, ekoizle eta gidoigilea da[1].
| Juan Ortuoste | |
|---|---|
| Bizitza | |
| Jaiotza | Bilbo, 1948 (75/76 urte) |
| Herrialdea |  Bizkaia, Euskal Herria |
| Hezkuntza | |
| Hizkuntzak | gaztelania |
| Jarduerak | |
| Jarduerak | film-zuzendaria, zinema ekoizlea eta gidoilaria |
    | |
Biografia
aldatu1970eko hamarkadan hainbat film labur egin ondoren, Javier Rebollorekin Lan Zinema, S.L. ekoiztetxea sortu zuen. 1981ean bere lehendabiziko film luzea estreinatu zuen. Handik aurrera, batez ere ekoizle moduan aritu da.
Javier Rebollorekin batean Unibertsitateko Zine Kluba antolatu zuen (1969). Zenbait film labur plazaratu ditu, J. Rebollo zuzendarikide zuela gehienetan, besteren artean: Necrosis (1970), Andrés Nagel (1974), Gure etxea (1976), Salitre (1978), Topaketak (1980), El ojo de la tormenta (1983), Camino de hierro y agua (1984). Bilbori buruzko zenbait dokumental ondu ditu. Azken urteotan ere, ekoizle, zuzendari eta hainbat batzorde eta elkartetako kide bezala, beti egon da zinemagintzari lotua. Ekoizle-eragile lanetan hiru film luzeren ardura izan du: Javier Rebolloren Golfo de Vizcaya (1985), eta Ernesto del Ríoren No me compliques la vida (1990) eta Hotel y domicilio (1995). Zuzendari bezala, berriz, hiru film luzek osatzen dute bere filmografia: Javier Rebollorekin batera 1981ean zuzendu zuen Siete Calles, 1989ko El mar es azul eta 1997ko Entre todas las mujeres.
Filmografia
aldatuEkoizlea
aldatu- Sex Crazy (2006)
- Marujas asesinas (2001)
- Calor... y celos (1996)
- Hotel y domicilio (1995)
- No me compliques la vida (1991)
- Bizkaiko golkoa (1985)
Zuzendaria
aldatu- Entre todas las mujeres (1998)
- El mar es azul (1989)
- Siete calles (1981)
- Carmen 3.G. (film laburra, 1979)
- Brindis en la huerta (film laburra, 1979)
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
 |
Artikulu hau Bizkaiko biografia baten zirriborroa da. Wikipedia lagun dezakezu edukia osatuz. |
Datuak: Q12261060