Eugen Gomringer

Eugen Gomringer (Cachuela Esperanza, Bolivia, 1925eko urtarrilaren 20a -) suitzar idazlea da, boliviarra jatorriz.

Eugen Gomringer
Irudi gehiago
Bizitza
Jaiotza	Cachuela Esperanza (en) , 1925eko urtarrilaren 20a (99 urte)
Herrialdea	Suitza Bolivia
Hezkuntza
Heziketa	Bernako Unibertsitatea
Hizkuntzak	alemana gaztelania
Jarduerak
Jarduerak	poeta, idazlea, unibertsitateko irakaslea, literatura-kritikaria, arte-kritikaria, arte-historialaria, artearen teorikoa eta esteta
Enplegatzailea(k)	Kunstakademie Düsseldorf (en)
Jasotako sariak	ikusi Bavarian Order of Merit Poetik-Professur an der Universität Bamberg  (1986) David Burliuk International Mark Bavarian Culture Prize  (2015)
Kidetza	Berlingo Arteen Akademia

Biografia

Ekonomiako eta Artearen Historiako ikasketak egin zituen 1946tik 1950era, Bernako eta Erromako unibertsitateetan.

1959tik 1985era, publizitateko buru gisa lan egin zuen zenbait enpresa pribaturentzat. 1976an, estetikaren teoriari buruzko eskolak ematen hasi zen Düsseldorfeko Arteen Akademian, eta Zero talde artistikoarekin bat egin zuen lan horretan ari zen bitartean.

Gomringer poesia konkretua delakoaren aitzindaritzat hartua da: eredu liriko berri bat osatu zuen Konstellationen (1953, Konstelazioak) obrarekin, zeinetan hizkuntza objektu soil izatera murriztuta gelditzen baita, osagai bisuala azpimarratzeko beste ezeren gainetik.

Hauek dira Gomringerren beste lan aipagarri batzuk: Das Stundenbuch (1965, Orduen liburua) eta Poesie als mittel der Umweltgestaltung (1969, Poesia, ingurunearen konfiguraziorako baliabide gisa) saiakera.

Wikimedia Commonsen badira fitxategi gehiago, gai hau dutenak: Eugen Gomringer

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q123516
• Multimedia: Eugen Gomringer / Q123516