Venus eulijale
Dionaea muscipula landare intsektujalea da, droseraceae familiakoa, Estatu Batuetako ekialdeko kostaldeko hezegune subtropikaletan hazten dena, Ipar Karolinan eta Hego Karolinan zehazki. Intsektu eta araknido txikiak harrapatzeko gauza da, baraila antzeko tranpa baten bitartez.[1] Dionaea generoko espezie bakarra da.
| Venus eulijale | |
|---|---|
| Iraute egoera | |
 Kaltebera (IUCN 3.1) | |
| Sailkapen zientifikoa | |
| Erreinua | Plantae |
| Ordena | Caryophyllales |
| Familia | Droseraceae |
| Generoa | Dionaea |
| Espeziea | Dionaea muscipula Ellis, 1768 |
| Banaketa mapa | |
 | |
Ezaugarriak
aldatuLandare txikia da, 3 eta 10 zentimetro artekoa, oinaldean hosto-erroseta duena. Hostoek maskor ireki baten antza daukate, eta ertza hagin itxurako 15-20 luzapenez inguraturik dago. Intsektu bat gainean geratzen bada, ile batzuk kitzikatuko ditu, eta hostoa itxiko da. Mugimendu hori azkarra da, eta zelula batzuetatik ura aterata gertatzen da. Ondoren, intsektua hil eta landareak digestio-entzimak jariatuko ditu, apurka-apurka elikagaiak xurgatzen hasteko.[1] Dena dela, hosto horien mugimendua oso mugaturik dago. Oso gutxitan egin dezakete mugimendua bizitzan zehar. Mekanismoa ez da etengabe irekitzeko eta ixteko modukoa.[2]
Erreferentziak
aldatu- ↑ a b Orobengoa, Olatz. Landare haragijaleen mundu ezezaguna. Elhuyar aldizkaria, 177. zenbakia, 2002ko ekainak 1, CC-BY-SA-3.0, aldizkaria.elhuyar.eus (Noiz kontsultatua: 2020-5-7).
- ↑ Roa Zubia, Guillermo. Landarea da, minbera da. Elhuyar aldizkaria, 269. zenbakia, 2010eko azaroak 1, CC-BY-SA-3.0, aldizkaria.elhuyar.eus (Noiz kontsultatua: 2020-5-10).
Kanpo estekak
aldatu
Datuak: Q155825
Multimedia: Dionaea muscipula / Q155825
Espezieak: Dionaea muscipula