DART (espazioko misioa)

Double Asteroid Redirection Test misioa (asteroide bikoitzen berbideratze testa), DART laburduraz ezaguna (dart ingelesez dardoa ere badelarik), NASAk 2021 eta 2022 urteen artean espazioko misio bat da. Bere helburua izan zen ikertzea ea gizakiak zuzendutako zunda batek asteroide bat desbideratu zezakeen.

DART
Mota	space mission (en)
Honen parte da	Asteroid Impact and Deflection Assessment (en)
Hera (en) →
Herrialdea	Ameriketako Estatu Batuak
Abiapuntu	Vandenberg Space Force Base Space Launch Complex 4 East (en)
Helmuga	Dimorphos (en)
Kudeatzailea	Johns Hopkins University Applied Physics Laboratory (en) eta Marshall Space Flight Center (en)
Kronologia
2021eko azaroaren 24a	Espazio jaurtiketa
2022ko irailaren 26a	Talka
Osatuta
DART Impactor (en) LICIACube (en)
Webgune	nasa.gov…
Hashtag	#DARTMission

Zundak programatu bezala jo zion Dimorfos asteroideari, eta aste batzuen buruan konprobatu zen orbita aldaketa bat gertatu zela, misioaren arrakasta baieztatuz.

Misioaren zehaztapenak

2021eko azaroan jaurti zuen NASAk DART zunda espaziora, eta bere helburura iritsi zen 2022ko irailaren 27an. Helburu hori zen Didimos eta Dimorfos asteroideek osatutako sistema bitarra, elkarren ondoan orbitatzen doazen espazioko objektu parea. Dimorfos asteroide txikia da bikote horretan, talka batez desbideratzeko aukera gehienak ematen zituena, baina sistema bitarra izanik, bien norabidea alda zitekeela zen zientzialarien pentsakera.

DART zunda, Didimos eta Dimorfos, Lurreko beste egitura batzuen tamainarekin konparatuta.

Talka gertatu aurretik DART-etik modulo bat askatu zen, LiciaCube izenekoa. DART talkan suntsitu zen. LiciaCube ez zen suntsitu talkan, eta bi asteroideetatik gertu geratu zen; egun batzuen buruan neurketak egin eta desbideraketarik gertatu ote zen jakiteko helburuz.

DARTen talkaren aurreikusitako grafikoa: plan hau zehatz bete zen 2022ko irailean.

DART 6 kilometro segunduko abiaduran hurbildu zen Dimorfosera, eta irudi ikusgarriak bidaliz azken unean.

DARTek talka egin aurretik bidali zuen Dimorfosen azken irudia.

Misioaren emaitza

NASAk 2022ko urriaren 11n jakinarazi zuenez, Dimorfosen orbita aldatzea lortu zuen DARTen talkak. Lehenago, Dimorfosek 11 ordu eta 55 minutuko orbita bat zeukan Didimosen inguruan, baina talka gertatu ondoren 11 ordu eta 23 minutatara laburtu zen, bi minutuko errore aldearekin. NASAk espero zuen 73 segundu gaindi zezakeen orbita aldaketa arrakasta izango zela, baina hori hainbat bider gainditu zuen emaitzak.

Kanpo estekak

• Datuak: Q47482008
• Multimedia: Double Asteroid Redirection Test / Q47482008