Miyoshi Etsuo
| Etsuo Miyoshi | |
|---|---|
| |
| Persona informo | |
| Naskiĝo | la 16-an de decembro 1939 en  Higashikagawa, Japanio
|
| Lingvoj | Esperanto • japana |
| Nacieco | japano |
| Ŝtataneco | Japanio 
|
| Okupo | |
| Okupo | esperantisto (1995–) entreprenisto fabricator (en) 
|
| Esperanto | |
| Esperantistiĝis en | 1995 |
Etsuo MIYOSHI (japane 鋭郎 三好, [ecuo mijoŝi]; naskiĝis la 16-an de decembro 1939) estas japana Esperantisto kaj honora prezidanto de la firmao Swany[1], kiu produktas gantojn, valizojn kaj ekde 2012 ankaŭ rulseĝojn.
Biografio
[redakti | redakti fonton]En 1996 li kreis la bastonvalizon Walkin’Bag kaj pro ĝia surmerkatigo, la registaro premiis lin en 2007. Miyoshi havas gambon damaĝitan de poliomjelito kaj elpensis Walkin’Bag por plenumi bezonojn kiujn li mem spertis dum komercaj vojaĝoj.[2]
Li eklernis Esperanton en 1995 kaj tuj post tio (ĝis 2011) li decidis finance subteni la Esperanto-movadon per la kreo de Subvencio Cigno, kiu en postaj jaroj estis transformita al Fondumo Cigno.
Li estas prezidanto de la Higaŝikagaŭa Esperanto-Asocio ekde ĝia fondiĝo en 1995.
Inter 2002 kaj 2010 li aperigis 23-foje tutpaĝajn anoncojn en diversaj ĵurnaloj de la Eŭropa Unio, ĉefe en la franca Le Monde. Pro tia agado, en 2007 li estis honorita de Japana Esperanto-Instituto per la atribuo de la premio Ossaka Kenji.
Estante aktiva en Oomoto, li estas unu el la direktoroj de Esperanto-Populariga Asocio (EPA).
En 2001 li fariĝis direktoro de la Monda Federalista Movado (Mondfederaciistoj).
Ekde 2009 li prezidas la Novan Turisman Asocion de Higaŝikagaŭa kaj lanĉis ene de ĝi la tre sukcesajn pupekspoziciojn okazantaj en oktobro ĉiujare, kiam estas montrataj pupoj de diversaj regionoj de la mondo kiuj portas tradiciajn vestaĵojn [3], [4].
La 15-an de decembro 2011 Miyoshi kreis la Fondumon Cigno, kiu premias Esperanto-asocion en Eŭropa Unio kiu faris la plej bonan informagadon pri Esperanto.
La 17-an de oktobro en 2012 li organizis la simpozion (kaj ekspozicion) "125 jaroj de Esperanto" ĉe la pola parlamento en kunlaboro kun EDE-Pollando[5][6].
Li vicprezidas la Asocion de Infana Kabuko (2020).
Honoroj
[redakti | redakti fonton]De 2007 li estas honora membro de Eŭropa Esperanto-Unio[7]. Depost la jaro 2012 li estas honora membro de la Pola Asocio Eŭropo - Demokratio - Esperanto (EDE-Pollando)[8].
En 2011 pro lia laboro por Esperanto kaj la diskonigo de la pola kulturo li ricevis en Malbork la Kavaliran Krucon de la Ordeno de Merito de la Pola Respubliko - la enmanigon faris la pomeria vojevodo Roman Zaborowski [9] [10] [11] [12].
La 6-an de majo 2012 en la palaco de familio Sierakowski en Sopot (Pollando) per la medalo de Johano Hevelio li estis honorita fare de Membro de Eŭropa Parlamento Jan Kozłowski kaj Senatano Edmund Wittbrodt.
La 9-an de majo 2012 la vicprezidanto de la pola senato Jan Wyrowiński, honorigis lin per la prestiĝa Senata Medalo[13].
En 2013 li estis deklarita Glora Membro de Oomoto.
En 2013 li ricevis de la Japana Imperiestro la Ordenon de la Leviĝanta Suno pro la kreado de la bastonvalizo Walkin'Bag.
Eksteraj ligiloj
[redakti | redakti fonton]- Elŝutu senpage la libron Mia poliomjelito malŝlosis pordon al daŭripova paco: Invento, Sano, Lingva egaleco” de Etsuo Miyoshi. [14]
Referencoj
[redakti | redakti fonton]- ↑ http://swany.co.jp/ Arkivigite je 2012-11-30 per la retarkivo Wayback Machine
- ↑ Wunsch-Rolshoven, Lu. 2023. "Libro de la japana entreprenisto Etsuo Miyoshi". Esperanto 1378(4), p. 88.
- ↑ https://www.facebook.com/198963926835939/photos/a.374045369327793.91342.198963926835939/586746088057719/?type=3&theater
- ↑ http://world-doll-festival.org/index.php/festivaloj/[rompita ligilo]
- ↑ https://www.youtube.com/watch?v=tVeC-pFDrbQ
- ↑ Esperanto en la Pollanda Senato (esperante) (HTML). La Balta Ondo. Alirita 2013-04-21.
- ↑ http://www.europo.eu/eo/honoraj-membroj
- ↑ https://eo.wikipedia.org/wiki/Pola_Asocio_E%C5%ADropo_-_Demokratio_-_Esperanto#Honoraj_membroj_de_EDE-Pollando
- ↑ Arkivita kopio. Arkivita el la originalo je 2016-08-11. Alirita 2016-01-14.
- ↑ https://www.facebook.com/photo.php?fbid=900954223318896&set=a.260797567334568.62430.100002129801373&type=3&theater
- ↑ Arkivita kopio. Arkivita el la originalo je 2016-10-03. Alirita 2016-10-02.
- ↑ https://eo.wikipedia.org/wiki/Pola_Asocio_E%C5%ADropo_-_Demokratio_-_Esperanto
- ↑ Arkivita kopio. Arkivita el la originalo je 2020-09-22. Alirita 2016-01-12.
- ↑ [https://sezonoj.ru/2024/06/etsuo-2/ Libro de Etsuo Miyoshi senkoste disponebla en Esperanto
Vidu ankaŭ
[redakti | redakti fonton]- Subvencio Cigno (1994 ĝis 2011)
- Fondumo Cigno
- Mondfederaciistoj
