Kimra lingvo

	Kimra lingvo
	Cymraeg
	Elcentaĵo de parolantoj de la Kimra lingvo laŭ regiono
lingvo • moderna lingvo
britona lingvaro • okcident-britona lingvaro
Parolata en	Kimrio, Ĉubuto (provinco de Argentino)
Parolantoj	724 000
Denaskaj parolantoj	— Kimrio: 611,000 parolantoj, ĉirkaŭ 21,7% de la loĝantaro de Kimrio (plenkapabla), kun 57% (315.000) kiuj sin konsideras fluaj; — Anglio: 150,000 ; — Ĉubuto, Argentino: 5.000 ; — Usono: 2.500 ; — Kanado: 2.200
Skribo	Latina alfabeto kun Kimra varianto
Lingvistika klasifiko
	Hindeŭropa; Kelta Insulkelta Britona Kimra
Oficiala statuso
Reguligita de	Bwrdd yr Iaith [1]
Lingva statuso	2 vundebla
Lingvaj kodoj
Lingvaj kodoj
ISO 639-1	cy
ISO 639-2
Bibliografia	cym
Terminologia	wel
ISO 639-3	cym
SIL	CYM
Glottolog	wels1247
Angla nomo	Welsh
Franca nomo	gallois
	Vikipedio
	Vizitu vikipedion en la kimra lingvo!
	v • d • r

La kimra lingvo (kimre: Cymraeg aŭ y Gymraeg, prononco [kəmˈrɑːɨɡ], [ə ɡəmˈrɑːɨɡ]) estas kelta lingvo parolata en Kimrio de ĉirkaŭ 20% de la loĝantoj (580 000 el 3 milionoj) kaj en valo Chubut, kimra emigrinta kolonio en Patagonio (regiono de Argentino). Ankaŭ en aliaj partoj de la mondo oni parolas la kimran, ĉefe en Usono, Kanado kaj Aŭstralio.

Origino

Ĝi estas hindeŭropa, pli precize kelta, parenca al la kornvala kaj la bretona; pli fore al la irlanda, skota kaj manksa gaelaj lingvoj.

Stato

La popolnombrado de 2001 montras ke 20.5% de la loĝantoj de Kimrio parolas kimre (kreskante de 18.5% en 1991), el popolo de ĉ 3 milionoj; vidiĝas ke triono de la loĝantaro enmigris en Kimrion en la lastaj 30 jaroj.

Eĉ inter la kimreparolantoj, malmultaj (se eĉ ekzistas) parolas nur la kimran.

Kvankam la kimra estas minoritata lingvo kaj pro tio minacita de la domineco de la angla lingvo, dum la dua parto de la 20-a jarcento subteno por la lingvo kreskis kune kun la kresko de naciaj politikaj organizoj formitaj de la politika partio "Plaid Cymru" kaj "Cymdeithas yr Iaith Gymraeg" (Kimra Lingvo-societo).

La uzo de la kimra kiel unua lingvo estas ĝenerale limigita al la nordo kaj al la okcidento de Kimrio, kiu ne estas tre urbigita, ĉefe Gwynedd, Meirionnydd, Ynys Môn, Sir Gaerfyrddin, Norda Sir Benfro, Ceredigion, kaj partoj de Okcidenta Morgannwg.

La kimra lingvo estas tre viva lingvo. Ĝi estas uzata en ĉiutaga konversacio kaj estas videbla en Kimrio ĉie. Loka registaro (inkluzive la Kimra Kunvenio) uzas la kimran lingvon kiel oficialan lingvon. Publikaj institucioj eldonas oficialan literaturon kaj propagandon kimraversie (ekzemple leterojn de lernejoj al gepatroj, bibliotekajn informojn kaj administraciajn informojn). Ĉiuj stratsignoj en Kimrio estas kimre kaj angle, inkluzivante kimrajn formojn de loknomoj (kelkaj el tiuj estas nelongaj inventoj, kiuj estas bazitaj al anglaj nomoj - kaj ankaŭ inverse).

Ekzemplon de la kimra lingvo vi povas trovi je Hen Wlad Fy Nhadau, la nacia kimra himno.

Ne ekzistas ĉiutaga ĵurnalo en la kimra, sed ekzistas ĉiusemajnaj revuoj kaj multe da lokaj ĉiumonataj revuoj.

Dulingvaj oficialaj indikoj en Kimrio

Dulingva vojŝildo en Cardiff.
Alia dulingva vojŝildo
Dulingva vojomarkado en Kimrio

Notoj kaj fontoj

↑ Esploro je la Uzo de la Kimra Lingvo 2004: la raporto (PDF). Arkivita el la originalo je 2012-04-27. Alirita 5 Junio 2012.
↑ Oficejo de Supera komisaro de UN por rifuĝintoj Refworld | Monda Listo de Minoritataj kaj Indiĝenaj Popoloj - Unuiĝinta Reĝlando : Kimra. UNHCR. Alirita 2010-05-23.
↑ Kimrio kaj Argentino. Wales.com website. Kimra Asemblea Registaro (2008). Arkivita el la originalo je 2012-10-16. Alirita 23 Januaro 2012.
↑ Tabelo 1. Detalaj Lingvoj Parolataj Hejme kaj Kapablo de Paroli Angle por la Popolo 5 jaroj kaj plu por Usono: 2006-2008 Release Date: Aprilo, 2010 (xls). Usona Buroo de la Censo (27 Aprilo 2010). Alirita 2 Januaro 2011.
↑ 2006 Censo de Kanado: Tabeligoj bazitaj sur temoj: Variaj Parolataj Lingvaj (147), Aroj laŭ Aĝo (17A) kaj Sekso (3) por la Popolo de Kanado, Provincoj, Teritorioj, Censo je la Areoj Metropolaj kaj Censo je Aglomeratoj, Censo de 2006 - 20% Specimenaj Datenoj. Kanado Statistiko (7 Decembro 2010). Alirita 3 Januaro 2011.

Vidu ankaŭ

Eksteraj ligiloj

Esperanto-kimra vortaro
esperante Britujo: Scilly-insularo estas eta paradizo en retgazetaro Nia Mondo
A Welsh Course Arkivigite je 2011-08-06 per la retarkivo Wayback Machine Kurso de kimra lingvo (angle)
History and Status of the Welsh Language Arkivigite je 2005-12-12 per la retarkivo Wayback Machine Historio kaj stato de la kimra lingvo (angle)
Wales on the Web Kimrio sur la TTT (angle)
BBC Radio Cymru (kimre)
Cymdeithas yr Iaith Gymraeg Radikala organizo kiu subtenas la lingvon. (kimre)

Kategorio Kimra lingvo en la Vikimedia Komunejo (Multrimedaj datumoj)
Kimra lingvo en la Vikivortaro (Universala vortaro)
Kimra lingvo en Vikifontaro (Universala biblioteko)
Vikipedio en Kimra lingvo (Reta enciklopedio)

Bibliotekoj

[2004Survey-1] Esploro je la Uzo de la Kimra Lingvo 2004: la raporto (PDF). Arkivita el la originalo je 2012-04-27. Alirita 5 Junio 2012.

[2] Oficejo de Supera komisaro de UN por rifuĝintoj Refworld | Monda Listo de Minoritataj kaj Indiĝenaj Popoloj - Unuiĝinta Reĝlando : Kimra. UNHCR. Alirita 2010-05-23.

[WAG-3] Kimrio kaj Argentino. Wales.com website. Kimra Asemblea Registaro (2008). Arkivita el la originalo je 2012-10-16. Alirita 23 Januaro 2012.

[4] Tabelo 1. Detalaj Lingvoj Parolataj Hejme kaj Kapablo de Paroli Angle por la Popolo 5 jaroj kaj plu por Usono: 2006-2008 Release Date: Aprilo, 2010 (xls). Usona Buroo de la Censo (27 Aprilo 2010). Alirita 2 Januaro 2011.

[5] 2006 Censo de Kanado: Tabeligoj bazitaj sur temoj: Variaj Parolataj Lingvaj (147), Aroj laŭ Aĝo (17A) kaj Sekso (3) por la Popolo de Kanado, Provincoj, Teritorioj, Censo je la Areoj Metropolaj kaj Censo je Aglomeratoj, Censo de 2006 - 20% Specimenaj Datenoj. Kanado Statistiko (7 Decembro 2010). Alirita 3 Januaro 2011.

[1]

[2]

[3]

[4]

[5]