Viktoro la Maŭro
Viktoro la Maŭro aŭ Viktoro de Milano estas martiro kaj sanktulo de la Katolika kaj la Orienta Ortodoksa Eklezio. Li naskiĝis komence de la 3-a jarcento en la romia provinco Mauretania Caesariensis, do en la norda parto de Afriko, kaj mortis martire 8-an de majo 303 en Lodi Vecchio, Lombardio.
| Sankta | ||
| Viktoro la Maŭro | ||
|---|---|---|
| martiro, sanktulo | ||
| ||
| Persona informo | ||
| Naskiĝo | 3-a jarcento en la romia provinco Mauretania Caesariensis | |
| Morto | la 8-an de majo 303 en Lodi Vecchio | |
| Mortis per | Senkapigo  vd
| |
| Profesio | ||
| Okupo | soldato vd
| |
| Sanktulo | ||
| Honorata en | Romkatolika kaj Orienta ortodoksa eklezio | |
| Festotago | 8-a de majo | |
| vd | Fonto: Vikidatumoj | |
Vivo kaj legendo
redaktiViktoro naskiĝis en kristana romia familio kaj estis kiel membro de la Pretora Gvardio soldato en Milano en la tempo de la imperiestroj Diokleciano kaj Maksimiano. Baldaŭ post la komenco de la Diokleciana persekutado de kristanoj, li estis arestita en maljuna aĝo pro laŭdira detruo de iuj altaroj de romiaj dioj kaj alportita antaŭ Maksimiano, kiu estis en Milano tiutempe. Antaŭ la imperiestro, li konfesis sian kristanan kredon. Ĉar li estis bezonata kiel soldato, li ne estis mortigita sed malliberigita. Li ricevis preman admonon, en malliberejo pli bone pripensi sian sintenon.
Ĉe la fino de la semajno, Viktoro estis alportita antaŭ la imperiestro denove. Maksimiano provis ĉiurimede malinstigi lin de kristanismo. Ĉar Victoro rifuzis, la imperiestro ordonis batadi lin. Soldato daŭre kriis al Viktoro fari oferojn al la dioj. La ekzekutistoj ne devus ĉesi ĝis li ŝanĝus sian opinion. Ĉar tio ne okazis, la torturo daŭris ĝis la ekzekutistoj laciĝis. Li denove estis arestita.
Viktoro restis en malliberejo ĝis liaj vundoj resaniĝis. Tiam alia provo estis farita por ŝanĝi lian opinion kun promesoj, minacoj kaj torturo. Torturo inkludis verŝi fanditan plumbon super li. Ĉar ankaŭ tio ne funkciis, Viktoro estis juĝita al morto per senkapigo iom da tempo poste. La kondamno estis plenumita la 8-an de majo 303 publike ĉe la pordegoj de Lodi.
Vidu ankaŭ
redakti- Viktoro de Ksanteno
- sankta papo Viktoro la 1-a
- sankta Viktoro de Cezareo
- apartigilo Sankta Viktoro
