Termoelektra centralo

Termoelektra centralo estas elektra centralo en kiu estas ĉefa energio el vaporo. Akvo estas varmigita, transformita en vaporon, kiu turnigas vaporturbinon kiu kondukas elektran generatoron. Post sia paso tra la turbino, la vaporo estas kondensata en kondensilo kaj reciklita en la kaldronon, kie ĝi estas varmigota; tiu termodinamika ciklo estas konata kiel ciklo de Rankine.

Respublika elektra centralo, termoelektra stacio en Pernik, Bulgario.

Mohave elektra centralo, termoelektra stacio de 1 580 MW ĉe Laughlin, Nevada, energinutrita per karbo.

Atoma termoelektra centralo en Bavario, Germanio.

La plej granda variaĵo en la desegno de termoelektraj centraloj estis rilata al la diferencaj fosilibrulaj rimedoj ĝenerale uzataj por varmigi akvon. Kelkaj preferas uzi la termino energicentro, ĉar tiaj facilaĵoj konvertas formojn de varmo-energio en elektran energion. Kelkaj termoelektraj centraloj ankaŭ estas desegnataj por produkti varmenergion por industriaj celoj de urbohejtado, aŭ sensaligo de akvo, en aldono al generado de elektra energio; oni parolas pri kun-generado de tiaj varmoelektraj centraloj. Tutmonde, brulenergiaj elektrejoj produktas grandan parton da hom-farita elsendaĵoj de CO₂ al la atmosfero, kaj penas por malpliigi tiujn tiele disvastigitajn.

Tipoj

Tipa karba termoelektra centralo

Diagramo de tipa karba termoelektra centralo

1. Malvarmiga turo	10. Kontrolvalvo de vaporo	19. Superhejtilo
2. Akvopumpilo de malvarmiga turo	11. Vaporturbino (alta premo)	20. Ventolilo de primara aero
3. Trifaza alttensia lineo	12. Forigilo de solvitaj gasoj	21. Rehejtilo
4. Transformatoro altigante la tension	13. Antaŭhejtigilo de purigita akvo	22. Eniro de bruliga aero
5. Alternatoro	14. Karbotransportilo	23. Ŝparilo pri reciklata akvo
6. Vaporturbino (malalta premo)	15. Karbofunelo	24. Aerohejtilo
7. Pumpilo post eltiro de kondensaĵoj	16.Karbopistilo	25. Aerfiltrilo
8. Kondensilo	17. Balono de la vaporkaldrono	26. Ventolilo de elira aero
9. Vaporturbino (meza premo)	18. Malsupra cindrofunelo	27. Fumtubo

La skemo de termoelektraj centraloj kiuj uzas brulaĵojn aŭ naturan gason similas.

Nuklea centralo

Pli detalaj informoj troveblas en artikolo Nuklea centralo.

Geoterma centralo

Pli detalaj informoj troveblas en artikolo Geoterma centralo.

Eksteraj ligiloj

• Thermal Power Plant:Indian Context Arkivigite je 2011-05-12 per la retarkivo Wayback Machine angle
• Conventional coal-fired power plant angle
• Power plant diagram Arkivigite je 2011-04-23 per la retarkivo Wayback Machine angle
• Power Plant Reference Books Arkivigite je 2007-06-25 per la retarkivo Wayback Machine angle
• Steam jet ejectors Arkivigite je 2007-09-28 per la retarkivo Wayback Machine angle
• Steam jet ejector performance guidelines angle