Schlans

Schlans estas komunumo de la komunumaro Cadi/Disentis kaj la distrikto Surselva en Kantono Grizono, Svislando. Ĝi havis 88 loĝantojn je la 31-a de decembro 2009.

Schlans
Blazono de Schlans
Schlans
vilaĝo • former municipality of Switzerland • kvartalo
Kantono	Grizono
Distrikto	Surselva
Komunumaro	Cadi/Disentis
Koordinatoj	46° 45′ 36″ N 9° 0′ 0″ O (mapo)
Nombro de loĝantoj	88
Areo	8,83 km²
Alteco	1146 m super marnivelo
Poŝtkodo	7168
Komunumkodo	3984
Mapo de Schlans

Geografio

Schlans situas sur teraso norde de la Antaŭa Rejno. Super la vilaĝo sur roko tronas la turo de la malnova burgo kaj kapelo.

Najbaraj komunumoj

La komunumo Schlans limas en nordo kaj oriento al Breil/Brigels, kaj en sudo kaj okcidento al Trun. Al la komunumo apartenas krom la vilaĝo Schlans la setlejoj Pradas kaj Preuls kaj la alpopaŝtejo Alp da Schlans.

Trafiko

La komunumo situas komplete flanke de la gravaj trafikvojoj. La vilaĝo atingeblas per flanka vojo, kiu supreniras de Trun. Ekzistas mallarĝa vojo suprena al la setlejoj Pardas kaj Preuls, kaj alia vojeto kondukas al Breil/Brigels. Al la publika transportreto Schlans estas konektita per poŝtaŭto al la stacidomo de Trun, kiu cirkulas tamen nur lundon ĝis vendredo.

Historio

La unua dokumento de Schlans datiĝas el la jaro 765 kiel Selaunum. En la jaro 765 la episkopo de Koiro donacis al la Monaĥejo Disentis majorejon en Schlans. Dum mezepoko Schlans tamen ne apartenis al la Senjorujo Cadi, sed al la Senjoroj de Schlans, kiuj la unuan fojon estis menciitaj en la jaro 1220. La defendoturo supre de Schlans estis konstruita en la jaro 1200. En la 13-a jarcento la Senjoroj de Grünenfels akiris la senjorecon pri Schlans kaj poste la Senjoroj de Montalt, kiuj ĝis vendis en la jaro 1378 al la senjoroj de Rhäzüns. En la jaro 1459 Schlans fariĝis havaĵo de la Grafoj de Zollern, kiuj ĝin vendis en la jaro 1472 al la Abatejo Disentis, kiu ĝis 1803 posedis la jurisdikcion pri Schlans.

Eksteraj ligiloj

• Oficiala retejo de la komunumo Schlans
• Schlans en la Historia Leksikono de Svislando  (germane, france, itale)

•  Vidu ankaŭ en la Vikimedia Komunejo la kategorion Schlans – (Kolekto de bildoj kaj plurmediaj dosieroj)