Sarino (rivero)
Sarino (en la germana lingvo Saane, en la franca lingvo Sarine) estas rivero en Svislando.
| Sarino | |
|---|---|
|
| |
| germane Saane
| |
| itale Sarine
| |
 | |
| rivero | |
| Bazaj informoj | |
| Longeco | 126 km |
| Akvokolekta areo | 2 416 km² |
| Fluo | |
| - Alteco super marnivelo | 2 344 m |
| Enfluejo | Aro |
| - Alteco | 463 m |
| Geografio | |
| Alfluantoj | Galtera, Glano kaj Sense |
 | |
| Rivero en Eŭropo | |
Priskribo
redaktiLa fonto de Sarino troviĝas sub la monto Sanetschhorn je alteco de 2344 m s.m supre de la komunumo Gsteig. Unu el la fontriveroj estas Tschärzisbach, kiu trafluas la baraĵlagon Arnensee. La rivero tiam fluas okcidenten tra la distrikto Pays-d'Enhaut. Tiam ĝi turniĝas apud Montbovon norden alfluas la baraĵlagon Lago de Grejerco. Post la elfluo el la lago ĝi preterpasas apud Friburgo trafluas tiam la Lagon de Schiffenen, kiu ankaŭ estas baraĵlago, kaj tiam fluas post la alfluo de Sense okcidente de Berno al Aro.
Komunumoj ĉe la bordo de Sarino
redaktiLa sekvantaj komunumoj situas ĉe la borode de Sarino (de la fonto ĝis la alfluo): Gsteig kaj Saanen, ambaŭ en Kantono Berno, tiam Rougemont, Château d'Oex kaj Rossinière en Kantono Vaŭdo. Sekvas en Kantono Friburgo la komunumoj Haut-Intyamon, Grandvillard, Bas-Intyamon, Grejerco, Broc kaj Morlon, kie Sarino alfluas al la Lago de Grejerco. Inter Rossens kaj Treyvaux en la distrikto Sarino la rivero elfluas denove el la Lago de Grejerco. Ĝi tiam pasas la komunumoj Corpataux-Magnedens, Arconciel, Hauterive, Marly, Villars-sur-Glâne, Friburgo kaj Granges-Paccot, kie ĝi alfluas la Lagon de Schiffenen. Inter Düdingen kaj Bösingen unuflanke kaj Kleinbösingen aliflanke la rivero denove elfluas el la Lago de Schiffnen. Nun ĝi forlasas la Kantonon Friburgo kaj sur ĝia lasta etapo denove fluas tra Kantono Berno. Sekvas nun Kriechenwil kaj Laupen, kie alfluas Sense. Tiam la rivero fluas tra Mühleberg, Ferenbalm, Wileroltigen por finfine inter Golaten kaj Mühleberg alflui al Aro.
Lingvolimo inter la franca kaj la germana
redaktiLa fluvojo de Sarino kongruas kun la teritoria lingvolimo inter la franca kaj la germana lingvoj. Tiu limo estas nomita ankaŭ Roŝtifoso por aludi al la kultura diferenco inter roŝtiema Alamanio kaj fonduema Romandio. (Roŝtio estas alemana nacia specialaĵo el raspitaj terpomoj, kiuj estas frititaj en oleo - dum fonduo estas romandia specialajo, nome supo farita el fromaĝmiksaĵo kaj brando, en kiun oni trempas panpecojn, kaj kiun oni komune manĝas el sama poto).
Vidu ankaŭ
redakti- Aliaj signifoj de Sarino
Eksteraj ligiloj
redakti- Vidu ankaŭ en la Vikimedia Komunejo la kategorion Sarino – (Kolekto de bildoj kaj plurmediaj dosieroj)