Quedlinburg

Quedlinburg - jen germane, esperantigite Kvedlinburgo - estas la administra centro de la distrikto Harco en Germanio. Ĝi situas ĉe la rivereto Bode ĉe la norda rando de la mezalta montaro Harco en la germana federacia lando Saksio-Anhalto. Fine de decembro 2022 la urbo havis 23 313 loĝantojn.

Quedlinburg
urba komunumo de Germanio Hansa urbo vd
Flago	Blazono
Administrado
Ĝemelurboj Celle (1990–) Hameln Aulnoye-Aymeries Herford Hannoversch Münden vd
Poŝtkodo	06484
En TTT	Oficiala retejo [+]
Demografio
Loĝantaro	23 277  (2023) [+]
Loĝdenso	193 loĝ./km²
Geografio
Geografia situo	51° 48′ N, 11° 9′ O (mapo)51.79166666666711.147222222222 [+]
Alto	130 m [+]
Areo	120,45 km² (12 045 ha) [+]
Horzono	UTC+01:00 [+]
Quedlinburg (Saksio-Anhalto) DEC Situo de Quedlinburg
Alia projekto
Vikimedia Komunejo Quedlinburg [+]

Aparte vidindaj estas la malnova urbocentro kun 1200 trabfakaj konstruaĵoj el ses jarcentoj, la foirplaco kun la renesanca urbodomo kaj la Rolando, la kastelo, la romanika preĝejo Stiftskirche kun la katedrala trezoro, la romanika Wiperti-preĝejo kaj la Brühl-parko.

Quedlinburg estas laŭ areo la plej granda monumento de Germanio kaj pro tio ekde 1994 apartenas al la Monda Kulturheredaĵo de UNESKO.

Dum pli ol okcent jaroj, grava loka institucio estis la abatinejo Quedlinburg, fondita en 936 sub la Liudolfidoj kaj malfondita en 1802 dum la sekularigo.

Dum la mezepoko, la urbo apartenis al la komerca ligo Hanso.

Vidindaĵoj

Muzeoj

• Ständerbau (Muzeo pri trabfaka konstruado)
• Kastela muzeo
• Katedrala trezoro
• Klopstock-Muzeo
• Feininger-Galerio
• Lignoverma muzeo
• Mezgermana muzeo de modelfervojoj kaj ludiloj
• Muzeo pri vitropentrado kaj metiartoj

Preĝejoj

• Ägidii-preĝejo
• Benedikti-preĝejo (Marktkirche)
• St. Blasii-preĝejo
• St.-Johannis-preĝejo
• St.-Johannis-kapelo
• St.-Mathilde-preĝejo
• Nikolai-preĝejo
• St. Servatii-preĝejo (iama abatinuja preĝejo, Stiftskirche, poste kastela preĝejo)
• Wiperti-preĝejo

Konstruaĵoj

• Romanika fondaĵa preĝejo St. Servatius
• Kastelo
• Ständerbau (trabfaka konstruaĵo el la 14-a jarcento)
• Historia foirplaco
• Urbodomo
• Salfeldt-a palaco

Urbomuro kun urboturoj

• Schreckensturm(= timiga turo) - en ĝi troviĝas torturejo kaj ublieto. Vizitebla kaj por kuraĝuloj loĝebla (du modernaj hotelĉambroj)
• Lindenbein-a turo (Alta turo) - kun galerio
• Schweinehirtenturm (= porkvartista turo)
• Gänsehirtenturm (= anservartista turo)
• Kaiserturm (imperiestra turo
• Turm opp'n Tittenplan (bovinvartista turo)
• Kruschitzkyturm
• Pulverturm
• Mertensturm
• Spiegelsturm

• 
  La Rolando antaŭ la urbodomo
• 
  La urbodomo
• 
  Rigardo al Quedlinburg
• 
  Rigardo al la kastela monto kun St. Servatii

Famaj gefiloj de la urbo

• Johann Andreas Quenstedt (1617-1688), reprezentanto de la luterana ortodoksio
• Dorothea Erxleben (1715-1762), la unua germana kuracistino
• Johann Heinrich Rolle (1716-1785) komponisto kaj muzikpedagogo
• Friedrich Gottlieb Klopstock (1724-1803) fondinto de la t.n Erlebnisdichtung (= travivaĵa poezio) kaj de la germana "malracionalismo"
• Carl Friedrich Cramer (1752-1807) filologo pri antikvaj lingvoj kaj lingvisto
• Johann Heinrich Besser (1775-1826) eldonisto
• Johann Christoph Friedrich GutsMuths (1759-1839) "patro" de la germana gimnastikado
• Johann Christian Friedrich Tuch, orientalisto
• Carl Ritter (1779-1859) fondinto de la scienca geografio
• Julius Wolff (1824-1910) honora civitano, poeto kaj aŭtoro

Eksteraj ligiloj

• Oficiala hejmpaĝo de Quedlinburg