Neptuno (dio)

Neptuno estas dio en romia mitologio.

Neptuno
akva dio • romia dio
Informoj
Originala nomo	Neptunus
Eble sama	Pozidono • Ahti • Ægir • Njórðr
Sekso	vira
Patro	Saturno
Gefratoj	Vesta • Plutono • Jupitero • Cereso • Junono
Edzo/Edzino	Salacia • Tetiso • Amfitrito • Venilia
Infanoj	Halaesus • Leucon • Tritono

Mozaiko de Neptuno (Museo Archeologico Regionale Antonio Salinas, Palermo).

Laŭ Francisko Azorín Neptuno estis Dio de la maro ĉe la romanoj, filo de Saturno kaj Gea, edzo de Anfitrita, ikonografie reprezentita, kiel la greka Pozidono, per viro kun tridento sur mara ĉaro. Li indikas etimologion el la greka Posejdon kaj de tie la latina Neptunus.

Neptuno sur kahelo en la Monumento al la Malkovroj de Lisbono.

Priskribo

Kiel la greka Pozidono, li estas dio de la maro. Li kaj liaj fratoj Jupitero kaj Plutono renversis ilian patron Saturnon, la ĉefdio de la generacio de la Titanoj. Neptuno donis al la homo la ĉevalon, kaj lia besto estas la ĉevalo. Sed ofte li rajdas la blankajn ondojn de la maro sur delfeno, tenante en la mano sian tridenton. Neptuno estis ankaŭ dio de tertremoj. Lia festotago en la antikva Romio estis la 23-a de julio.

Neptuno donis sian nomon al la planedo Neptuno. Du grandaj Neptunaj lunoj, Tritono kaj Nereido akompanas la planedon, kiel en la mitologio la tritonoj (marviroj) kaj la nereidoj (marvirinoj) iam akompanis la dion de la maro.

Vidu ankaŭ

• Neptunismo
• Neptuno-festo