L'ombra del diavolo
|
C'l artìcul chè 'l è scrit in
Miranduléś |
 The Devil's Own
| ||
| L'ombra del diavolo | ||
 Brad Pitt in na figùra dal film | ||
| L'òra dal diàvul 1997 | ||
|---|---|---|
| Regìa: Alan J. Pakula | ||
| Scritōr: David Aaron Cohen Vincent Patrick • Kevin Jarre | ||
| Atōr: Harrison Ford • Brad Pitt • Margaret Colin Rubén Blades • Treat Williams • George Hearn Mitchell Ryan • Natascha McElhone • Julia Stiles Paul Ronan • Simon Jones • Ashley Carin | ||
| Müsica: James Horner | ||
| Léngua: Ingléś | ||
| Dürä dal film: 111 minüt | ||
| Nasiōṅ: Stat Unî | ||
L'ombra del diavolo (L'òra dal diàvul) 'l è 'n film dramàtic dal 1997 'd Alan J. Pakula, 'l ùltim girâ da 'l regìsta prima 'd murìr in 'n incidènt in màchina.
Custâ utànta-siē migliòṅ ad dòlar, al 'n à pò fat sù da piò ad sènt-quarànta in tut al mónd.
Sunt
Frankie McGuire (Brad Pitt) 'l è 'n cumbatènt dl'IRA da quànd sò pàdar Canlon (Ciarán O'Reilly), simpatiśànt republicàṅ irlandéś, 'l è stâ cupâ davànti a i sò òć quànd al gh'iva sōl òt an. Durànt na sparatòria in dal stradi 'd Bèlfast cónt'r i suldâ dla regìna, òṅ di sò cumpàgn al pèrd la vita méntar lò e Sean Phelan (Paul Ronan) i gh la càv'n a scapàr via. Frankie al decìd 'd andàr in di Stat Unî par cumpràr di mìsii Stinger par cuntinuàr la lòta armàda.
Druànd al nóm fals ad Rory Devaney, 'l irlandéś al riva a 'l aeropòrt ad Newark in dal New Jersey in du al pōl cuntàr su 'l apòǵ dal giùdas Peter Fitzsimmons (George Hearn) ch'l è da la banda d'l Eśèrcit Republicàṅ Irlandéś. Chi lò al gh fà catàr na cambra in dū star in dla cà a Staten Island dal sergìnt ad pulisìa cun di urìgini irlandéśi Tom O'Meara (Harrison Ford). Chi lò, ch'al lavóra in còpia c'n al culéga Edwin Diaz (Rubén Blades), 'l è spuśâ cun la Sheila (Margaret Colin) e 'l gh'à tri fiōli, la Bridget (Julia Stiles), la Morgan (Ashley Carin) e l’Annie (Kelly Singer).
Dòp èsar dvintâ amìg cun la famìja O'Meara e avēr lugâ na valìś pîna 'd bèsi sóta 'l pavimènt dal cèso, Frankie al cómpra na barca da pés, giustàda insém a Frankie, ch'la gh sarvirà par purtàr pò i mìsii in dl'Irlànda dal Nòrd, armi ch'l à intensiòṅ 'd cumpràr da 'n delinquènt cun di urìgini irlandéśi ch'l à fat furtùna a New York, Billy Burke (Treat Williams).