The Calling - La chiamata
|
C'l artìcul chè 'l è scrit in
Miranduléś |
 The Calling
| ||
| The Calling - La chiamata | ||
 Lintern e la Laura Harris in na figùra dal film | ||
| The Calling - La ciamàda 2000 | ||
|---|---|---|
| Regìa: Richard Caesar | ||
| Scritōr: John Rice • Rudy Gaines | ||
| Atōr: Laura Harris • Richard Lintern • Alex Roe Francis Magee • Alice Krige • John Standing | ||
| Müsica: Christopher Franke Dean Landon • Edgar Rothermich | ||
| Léngua: Ingléś | ||
| Dürä dal film: 89 minüt | ||
| Nasiōṅ: Stat Unî • Germàgna | ||
The Calling - La chiamata (The Calling - La ciamàda) 'l è 'n film ad scarésa americàṅ e tedésc dal 2000 ad Richard Caesar, girâ dagnóra tut in Curnuvàglia e a Lóndra.
Sunt
Dòp ès'r-as spuśàda c'n al giurnalìsta televiśìṿ Marc St. Clair (Richard Lintern), l'americàna Kristie (Laura Harris) la và a vìv'r in Inghiltèra e la dà a la luś al sò putèṅ, Dylan (Alex Roe). Pròpria in dal stés dè a mōr Sammy (Liam Hess), al fiōl di sò vśèṅ 'd cà e amìg, Jack (John Standing) e l’Elizabeth Plummer (Alice Krige).
Soquànd an dòp, tulénd un taxi, la Kristie la dascór cun Carmac (Francis Magee), 'n óm dimóndi religióś ch'al gh'à la màchina pîṅa 'd ruśàri e 'd santèṅ. Chi lò al la mét in guàrdia ślungàd-ag na préda antìga in du a gh'è scrit insìma ch'al sò Dylan 'l è 'l fiōl dal Diàvul a dir dabòṅ. La dóna l'è squasàda da cla nutìsia lè, a pâr anc ch'in dal cumplòt i gh sìan inslaplâ anc sò marè e l’Elizabeth, ma quànd la próa a dascórar cun la Céśa, ninsòṅ a gh dà a mènt.
Quànd in séguit Dylan al taca a cumpurtàr-as mâł e a far dal cativèri, la Kristie la reagìs ma la finìs sōl par pasàr par malàda.