Facebook

Dewlete	DAY

Facebook (bıwane: feysbuk) yew siteyê internetio ke insani tede şikinê embazanê xo de irtıbat kuyê u yewbini ra xeberdar bê. 4ê Gucige 2004 de hetê wendekarê Universıteyê Harvardi Mark Zuckerberg'i ra serba wendekaranê Universıteyê Harvardi ame ronayış. Bado mektebê dormeyê Boston'i ki kewti Facebook, mabênê dı aşman de mektebê ke "Ligê Ivy" derê kewti şebekeyê Facebooki. Abiyayışê Facebooki ra yew serre dıma heme mektebê ke Amerika derê kewti Facebook. Ezay raver tenya be adresanê e-mailanê mektebanê xo (.edu uçb) şikiyêne bıbê eza. Bado tayê lisey u şirketê gırdi ki kewti miyanê şebekeyê Facebooki. Roca 11 Payizê Verêni 2006 de facebook heme adresanê e-mailan rê ebe tayê şertanê cıkewtışi (domanan rê tomete) bi a. Karberi şikinê ke şebekeyanê ke wazenê zey liseyan, universiteyan, cayanê guriyayışi, şirketan kuyê.

Facebook, aşma Payizê Wertêni 2007 ra hata nıka ebe nezdiyê 35 milyon ezayanê xo, goreyê istatistikanê Alexa, websiteyo 7ıno ke dınya de tewr zêde yeno cıkewtış. Facebook, Kanada, Afrika Veroci u Norwec de 1ın; Britanya u İswec de 2yın; Mısır u Panama de 3yın, Dewletê Amerikayê Yewbiyayey, Awıstralya u Tırkiya de websiteyo 5ıno ke tewr zêde yeno cıkewtene.

Facebook, nameyê xo "paper facebooks" ra gêno. No form universiteyanê Amerika de serba wendekaran, malıman (muskaran) u emegdaranê mektebi yeno pırr kerdış.