Luisa Futoransky

Luisa Futoransky
Luisa Futoransky
Ganwyd	5 Ionawr 1939 ; Buenos Aires
Dinasyddiaeth	yr Ariannin
Alma mater	Rhaglen Ysgrifennu Rhyngwladol; Prifysgol Buenos Aires ;
Galwedigaeth	llenor, bardd, cyfieithydd
Arddull	barddoniaeth
Gwobr/au	Cymrodoriaeth Guggenheim

Nofelydd a bardd yn yr iaith Sbaeneg o'r Ariannin yw Luisa Futoransky (ganwyd 5 Ionawr 1939) sy'n nodedig am y digrifwch main a dadadeiladol sy'n lliwio'i ffuglen a'r darluniau o unigrwydd y mae'n telynegu yn ei barddoniaeth.

Ganwyd yn Buenos Aires, prifddinas yr Ariannin, i deulu Iddewig. Symudodd i Sbaen yn 1971, a bu'n byw hefyd yn yr Eidal, Japan, a Tsieina cyn iddi ymgartrefu yn Ffrainc yn 1981. Gweithiodd fel newyddiadurwraig ym Mharis. Teithiodd yn fynych i Israel, a hefyd i brifysgolion yn yr Unol Daleithiau ym mha le'r oedd hi'n cynnal gweithdai barddoniaeth.^[1]

Ystyrir ei gwaith yn nodweddiadol o ddigrifwch ac hunaniaeth yr Iddew. Yn ogystal â thynnu ar agweddau o'i phrofiad diwylliannol, ysgrifennai Futoransky am themâu serch, taith, alltudiaeth, a benywdod, ac hynny mewn arddull sy'n cyfuno ieithwedd aruchel a llafar gwlad.^[1]

Gwobrwywyd Cymrodoriaeth Guggenheim iddi yn 1991, a fe'i phenodwyd i urdd Chevalier des Arts et Lettres.^[2]

Llyfryddiaeth

Barddoniaeth

Partir, digo (Valencia: Editorial Prometeo, 1982).
La sanguina (1987)
La parca, enfrente (1995)
Antología poética (Buenos Aires: Fondo Nacional de las Artes, 1996).
Cortezas y fulgores (1997)
De dónde son las palabras (Barcelona: Plaza & Janés, 1998).
Prender de gajo (Madrid: Calambur, 2006).

Nofelau

Son cuentos chinos (1983)
De Pe a Pa (o de Pekín a París) (Barcelona: Editorial Anagrama, 1986).
Urracas (1992)
El Formosa (Buenos Aires: Leviatán, 2010).

Ysgrifau

Pelos (Madrid: Ediciones Temas de Hoy, 1990).
Lunas de miel (1996)

Cyfeiriadau

↑ ^1.0 ^1.1 Florinda F. Goldberg, "Futoransky, Luisa yn Encyclopaedia Judaica (Thomson Gale, 2007). Adalwyd ar Encyclopedia.com ar 14 Gorffennaf 2019.
↑ Florinda F. Goldberg, "Futoransky, Luisa" yn Encyclopedia of Latin American and Caribbean Literature 1900–2003, golygwyd gan Daniel Balderston a Mike Gonzalez (Llundain; Routledge, 2004), t. 215.

[EJ-1] 1.0 ^1.1 Florinda F. Goldberg, "Futoransky, Luisa yn Encyclopaedia Judaica (Thomson Gale, 2007). Adalwyd ar Encyclopedia.com ar 14 Gorffennaf 2019.

[ELACL-2] Florinda F. Goldberg, "Futoransky, Luisa" yn Encyclopedia of Latin American and Caribbean Literature 1900–2003, golygwyd gan Daniel Balderston a Mike Gonzalez (Llundain; Routledge, 2004), t. 215.

[1]

[2]