Dwayne Peel
Chwaraewr rygbi'r undeb yw Dwayne John Peel (ganed 31 Awst 1981). Yn ystod ei yrfa fe chwaraeodd fel mewnwr i glybiau Scarlets Llanelli, Sale Sharks a Rygbi Bryste yn ogystal â Chymru.
| |||
| Enw llawn | Dwayne John Peel | ||
|---|---|---|---|
| Dyddiad geni | 31 Awst 1981 | ||
| Man geni | Caerfyrddin | ||
| Taldra | 178 cm (5 tr 10 mod) | ||
| Pwysau | 87 kg (13 st 10 lb)[1] | ||
| Ysgol U. | Maes yr Yrfa | ||
| Prifysgol | Prifysgol Abertawe | ||
| Gyrfa rygbi'r undeb | |||
| Gyrfa'n chwarae | |||
| Safle | Mewnwr | ||
| Clybiau proffesiynol | |||
| Blynydd. | Clybiau | Capiau | (pwyntiau) |
| 2000–2003 2003–2008 2008–2014 2014-2016 |
Llanelli Scarlets Sale Sharks Rygbi Bryste |
? 81 122 20 |
(?) (75) (68) (22) |
| yn gywir ar 6 Mawrth 2015. | |||
| Timau cenedlaethol | |||
| Blynydd. | Clybiau | Capiau | |
| 2001– 2005 |
Cymru Y Llewod |
76 3 |
(25) (0) |
| yn gywir ar 31 Mawrth 2012. | |||
Ganed ef yng Nghaerfyrddin ac astudiodd ym Mhrifysgol Abertawe. Ymunodd â Chlwb Rygbi Llanelli, gan symud i Scarlets Llanelli pan ffurfiwyd y timau rhanbarthol yn 2003. Ar 15 Ionawr 2008, cyhoeddwyd y byddai'n ymuno â Sale Sharks ar ddiwedd tymor 2007–2008.
Chwaraeodd ei gêm gyntaf dros Gymru yn erbyn Japan yn 2001, pan oedd yn dal yn fyfyriwr. Roedd yn rhan allweddol o dîm Cymru pan enillwyd y Gamp Lawn yn 2005. Dewiswyd ef ar gyfer taith y Llewod i Seland Newydd yn 2005; ef oedd y chwaraewr ieuengaf yn y garfan. Ar 9 Medi 2007, Peel oedd capten Cymru yn ei gêm gyntaf yng Nghwpan y Byd 2007, pan gurwyd Canada 42-17.
Roedd yn rhan o'r garfan a gyflawnodd y Gamp Lawn ym mhencampwriaeth 2008, ond erbyn hyn yr oedd yn wynebu cystadleuaeth am safle mewnwr oddi wrth Mike Phillips. Dim ond un gêm a ddechreuodd Peel yn y bencampwriaeth yma, yn erbyn yr Eidal. Yn Ionawr 2009, cyhoeddwyd nad oedd wedi ei ddewis i fod yn aelod o sgwad Cymru ar gyfer Pencampwriaeth y Chwe Gwlad yn 2009, gyda Mike Phillips a Gareth Cooper yn cael eu dewis fel mewnwyr. Arwyddodd i dîm Rygbi Bryste ar gyfer tymor 2014-2015, a cafodd ei apwyntio yn gapten y clwb gan chwarae gyda cyd-chwaraewyr rhyngwladol Ryan Jones ac Ian Evans.
Bu'n rhaid iddo ymddeol o chwarae rygbi proffesiynol yn Mawrth 2016 ar ôl dioddef o anaf tymor hir ar ei ysgwydd. Enillodd Peel 76 cap i Gymru rhwng 2001 a 2011, a fe gynrychiolodd Llewod Prydain ac Iwerddon mewn tri gêm brawf.[2]
Cyfeiriadau
golygu- ↑ "Aviva Premiership Rugby - Sale Sharks". web page. Premier Rugby. Archifwyd o'r gwreiddiol ar 2012-06-16. Cyrchwyd 24 September 2011.
- ↑ Dwayne Peel: Bristol and former Wales scrum-half retires (en) , BBC Sport, 2 Mawrth 2016.