Gwelet an tarzh evit Germania

{{pennad zo| Germania (disheñvelout)}}
{{databox}}
[[Skeudenn:Imperium Romanum Germania.png|thumb|upright=1.6|<div style="text-align:center;">Ar proviñsoù roman er bloavezh [[116]], gant ''Magna Germania'', an tachennoù annezet gant Germaned</div>]]
[[Skeudenn:Ancient Germania - New York, Harper and Brothers 1849.jpg|thumb|upright=1.6|<div style="text-align:center;">Kartenn '''Germania an Henamzer''' en ul levr embannet gant ''Harper and Brothers'' (e New-York) e 1849</div>]]
'''Germania''' eo an anv roet en [[Henamzer]], d'ur rann eus [[Europa]] a oa e-maez ar bed roman, er reter d'ar [[Roen]] hag en hanternoz d'an [[Danav]], hag en em lede er reter war-zu ar [[Vistula]].

== Germania ar Romaned ==
Ne glot ket tachenn Germania gozh gant hini [[Alamagn]] hiziv, evel ne glot ket [[Galia]] gant [[Bro-C'hall]]. Daoust da se ez eus douaroù boutin dezho.

'''Germania Magna''' pe '''Magna Germania''' pe '''Germania Ulterior''' (« Germania vras ») a veze graet eus an douaroù na oant ket bet aloubet gant ar Romaned, etre an [[Eil kantved kt JK|IIvet kantved kent JK]] hag ar [[VIvet kantved]] : an douaroù er c'hreisteiz da aod [[Mor an Hanternoz]] hag ar [[Mor Baltel]], en hanternoz d'an [[Alpoù]], etre [[Roen]] ha [[Vistula]]. Poblet an douaroù-se gant [[Germaned]].

En o c’hichen e oa douaroù all a oa annezet gant Germaned ivez nemet aloubet e oant bet gant ar Romaned : mont a raent d’ober ar proviñsoù anvet [[Germania Inferior]], [[Germania Superior]], [[Raetia]] ha [[Noricum]]. Meur a wech e klaskas ar soudarded roman mont pelloc’h er reter d’ar [[Roen]], en aner avat. Ar C’hermaned, diouzh o zu, a oa kustum da dagañ ar c’hreñvlec’hioù roman e proviñsoù [[Germania Inferior]] ha [[Germania Superior]]. 
* ''[[Germania inferior]]'' (Germania Izel) a oa enni douaroù war ribl kleiz ar [[Roen]], en hanternoz da v-[[Bonn]], er reter d’ul linenn a dape eus andon ar stêr [[Oise (stêr)|Oise]] da [[Antwerpen]] (tammoù eus Alamagn, an [[Izelvroioù]] ha [[Belgia]] hiziv). 
* ''[[Germania superior]]'' (Germania Uhel) a oa enni douaroù war ribl kleiz ar Roen ivez, met er c’hreisteiz da v-[[Bonn]] (hiziv [[Rheinland-Pfalz]], [[Elzas]], [[Franche-Comté]], tammoù eus [[Suis]] hag eus [[Bourgogn]]).

Annezidi ''Germania Magna'' a voe disheñvel o emdroadur diouzh hini ar pobloù german ha kelt a oa dindan levezon ar Romaned. Met etrezo hag ar proviñsoù roman amezek e voe atav eskemmoù kenwerzhel. Ha dre-se e voe liammoù sevenadurel etre an [[Impalaeriezh roman]] hag ar C’hermaned a oa er reter d’ar [[Roen]] hag en hanternoz d’an [[Danav]].
[[Skeudenn:Herrmann-Zoom.jpg|thumb|upright=0.7|left|<div style="text-align:center;">Monumant da [[Arminius]]<br>e [[Koad Teutoburg]]</div>]]
An emgann brudetañ etre Germaned ha Romaned a c’hoarvezas er bloavezh [[9]] goude J.K. e-kichen ar pezh zo bremañ [[Kalkriese]] etre kêrioù [[Osnabrück]] ha [[Damme (Alamagn)|Damme]]. En emgann-se e voe trec’h ar penn-brezel german [[Arminius]], pa zistrujas gant e arme tri [[lejion]] roman renet gant [[Publius Quinctilius Varus]] : 15.000 soudard roman a voe lazhet eno. Gwall skoet e voe an Impalaeriezh roman gant ar c’heloù, pa oant boas da drec’hiñ ar pobloù all er brezelioù.
{{clr|left}}
== Pennadoù kar ==
* [[Impalaeriezh santel roman german]]

[[Rummad:Germaned]]
[[Rummad:Istor Europa]]