Adsav
Adsav a zo bet ur strollad politikel broadelour, oberiant etre 2000 ha 2016, hag a embanne war e lec'hienn Internet bezañ « Strollad dizalc'hiezh Breizh » ha labourat evit « krouidigezh ur Stad dizalc'h breizhat »[1].
| Adsav | |
| Degemenner | Ronan Le Gall |
| Krouidigezh | 2000 |
| Sez | 29 Straed Ar Gouëdic 22000 Sant Brieg |
| Kazetenn | War Raok ! |
| Teñzorer | Éric Launay |
| Sekretour | Éric Alhinc |
| Ideologiezh | Broadelouriezh Dizalc'hiezh Faskouriezh |
| Kenvreuriadur | Gall Europat Etrebroadel |
| Livioù | Gwenn Du Goularz |
| Internet | blog.adsav.org |
Istor
kemmañKrouet oa bet e 2000 gant Padrig Montauzier evel un disrann eus POBL, gant nebeud a stourmerien en deroù-holl, betek tizhout un nebeud kantadoù evelato en e vloavezhioù gwellañ. E 2008 o doa kemeret perzh evit ar wech kentañ en dilennadegoù kanton aozet gant ar stad c'hall, e Sant-Maloù da skouer.
Hervez ar Strollad e-unan e oa Adsav ur strollad hag a stourme evit gwirioù pobl Breizh en ur nac'hañ an diforc'h politikel tu-kleiz/tu-dehoù. Evit tud all, avat (peurliesañ tud na oant ket a-du gant ar strollad-se) e oa da renkañ e-touez strolladoù an tu-dehoù pellañ daoust ma veze nac'het ar renkadur-se gant ar strollad e-unan[2].
Al lodenn vrasañ eus e obererezh a zo pegañ skritelloù war vord an hentoù, gant luganoù evel « Moskeenn ebet e Breizh », « Breizhad mestr er gêr », « Tamm dramm ebet e Breizh », « Evit ur Republik breizhat unvan ha dizisrannus », « Breizh da gentañ», « Breizh d'ar Vretoned » hag all, pezh a dalveze reizhabegadur o renkadur en tu-dehoù-pellañ[2].
Kealioù ha mennozhioù Adsav a veze hag a vez bepred embannet er gelaouenn War Raok !.
Mui pe vui e vere ar gevredigezh Unvaniezh Koad Kev abaoe ar bloavezhioù 2000.
Meur a strollad rannvroelour a zo bet levezonet gant Adsav evel ar Mouvement Régionaliste Breton pe c'hoazh Breizh Yaouank.
Liammoù a oa etre Adsav ha strolladoù all eus an tu-dehou pellañ dre Europa, da skouer gant Voorpost e Flandrez, pe Strollad ar Bobl Danat e Danmark.
Liammoù diavaez
kemmañNotennoù
kemmañ- ↑ (fr) Présentation d'Adsav (PPB)
- ↑ 2,0 ha2,1 Gwelout ar bajenn Kaozeal.
Levrlennadur
kemmañ- Ar Gouloù Gwenn n°9 : Adsav, istor ur strollad broadelour breizhat.