ЭКЮ
Еўрапейская грашовая адзінка, ЭКЮ (англ.: European Currency Unit, ECU) — складаная разліковая грашовая адзінка краін-удзельніц Ерапейскай супольнасці, уведзеная ў дзеянне 13 сакавіка 1979 года. 1 студзеня 1999 года на змену ЭКЮ прыйшла грашовая адзінка ЕС — еўра.
Гісторыя
[правіць | правіць зыходнік]Да ўвядзення ЭКЮ ў разліках выкарыстоўвалася Еўрапейская адзінка разліку, курс якой таксама быў роўны аднаму ЭКЮ. Мінімізацыя ваганняў курсаў нацыянальных валют і ЭКЮ забяспечвалася механізмам валютных курсаў ERM. ЭКЮ таксама выкарыстоўваўся ў некаторых міжнародных фінансавых трансакцыях.
Абарачэнне
[правіць | правіць зыходнік]ЭКЮ мела код XEU паводле ISO 4217. Існавала толькі ў безнаяўных разліках, манеты выпускаліся толькі ў некаторых краінах для прыватнага сектару.
Суадносіны ЭКЮ да валют іншых краін вызначаліся сыходзячы з таго, што ЭКЮ служыла абагульненым прадстаўніком кошыку валют краінаў ЕЭС.
1 студзеня 1999 ЭКЮ быў заменены на еўра ў суадносінах 1 € = 1 ₠. У адрозненне ад ЭКЮ еўра — сапраўдная валюта.
Сімвал
[правіць | правіць зыходнік]Сімвал валюты, ₠ (U+20A0), спалучае накладзеныя C і E, якія з'яўляюцца пачатковы літарамі фразы «Еўрапейская супольнасць» на шматлікіх еўрапейскіх мовах. Аднак гэты сімвал не атрымаў шырокага распаўсюджання, бо мог адлюстроўвацца толькі некаторымі тагачаснымі сістэмамі, таксама банкі пераважна (як і з усімі іншымі валютамі) ўжывалі код XEU паводле ISO.
Курс, вызначаны паводле кошыка валют
[правіць | правіць зыходнік]| Валюта | 13.03.1979— 16.09.1984 |
17.09.1984— 21.09.1989 |
21.09.1989— 31.12.1998 |
|---|---|---|---|
| Бельгійскі франк | 9,64 % | 8,57 % | 8,183 % |
| Нямецкая марка | 32,98 % | 32,08 % | 31,955 % |
| Дацкая крона | 3,06 % | 2,69 % | 2,653 % |
| Іспанская песета | — | — | 4,138 % |
| Французскі франк | 19,83 % | 19,06 % | 20,316 % |
| Фунт стэрлінгаў | 13,34 % | 14,98 % | 12,452 % |
| Грэчаская драхма | — | 1,31 % | 0,437 % |
| Ірландскі фунт | 1,15 % | 1,20 % | 1,086 % |
| Італьянская ліра | 9,49 % | 9,98 % | 7,840 % |
| Люксембургскі франк | — | — | 0,322 % |
| Нідэрландскі гульдэн | 10,51 % | 10,13 % | 9,98 % |
| Партугальскі эскуда | — | — | 0,695 % |