Паданг

Пада́нг (індан.: Padang) — горад у Інданезіі на востраве Суматра. Адміністрацыйны цэнтр Заходняй Суматры. Насельніцтва (2010 г.) — 933 584 чал.

Горад Паданг індан.: Padang Герб Сцяг Бухта Краіна  Інданезія Каардынаты 0°57′20″ пд. ш. 100°21′38″ у. д. Кіраўнік Hendri Septa[d] Заснаваны 7 жніўня 1669 Плошча 694 000 000 м² Вышыня цэнтра 3 м і 1 853 м Насельніцтва ▲909 040 чал. (2020) Канфесійны склад хрысціянства, іслам Часавы пояс UTC+7 Паштовыя індэксы 25000 Афіцыйны сайт padang.go.id Паданг на карце Інданезіі

Медыяфайлы на Вікісховішчы

Геаграфія

Горад Паданг знаходзіцца ў заходняй частцы вострава Суматра ля ўзбярэжжа Індыйскага акіяна. Прыбярэжная частка горада нізкая, гістарычны цэнтр знаходзіцца на вышыні 3 м над узроўнем мора. Аднак далей пачынаюцца пагоркі, якія ўзвышаюцца да 1853 м.

Клімат экватарыяльны, вельмі вільготны з двума ярка акрэсленымі сезонамі мусонаў. Агульная колькасць ападкаў — каля 4300 мм у год.

Паданг знаходзіцца ў зоне субдукцыі (напаўзання акіянічных пліт, гл. Тэктоніка пліт), таму тут часта здараюцца землятрусы. Горад моцна пацярпеў ад цунамі 2004 года і землетрасення 2009 года.

Гісторыя

Паданг узнік на месцы рыбацкага паселішча народа мінангкабау. З мясцовых гаворак назва горада перакладаецца як «поле» або «меч». У XVII стагоддзі паселішча трапіла пад кантроль галандскай Ост-Індскай кампаніі і ператварылася ў буйны гандлёвы цэнтр золатам, спецыямі, пазней — чаям і кавай. 7 жніўня 1669 г. адбылося паўстанне супраць галандцаў. У наш час, гэтая дата лічыцца днём набыцця гарадскога статусу.

У 1781—1784 і 1795—1818 гадах Паданг знаходзіўся пад кантролем Вялікабрытаніі. У 1793 годзе быў разрабаваны французскімі піратамі. Прэтэнзіі на тэрыторыю Паданга стала высоўвалі дзяржавы Паўночнай Суматры.

У 1945 годзе горад увайшоў у склад Інданезіі.

Геаграфія

Клімат

Клімат Паданга (1991—2020)
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне
Сярэдні максімум, °C	31,1	31,4	31,3	31,3	31,6	31,3	31,0	30,7	30,5	30,4	30,4	30,7
Сярэдняя тэмпература, °C	27,0	27,2	27,3	27,4	27,5	27,1	26,7	26,7	26,6	26,6	26,8	26,9
Сярэдні мінімум, °C	22,9	22,9	23,2	23,5	23,4	22,9	22,4	22,6	22,7	22,8	23,1	23,0
Крыніца: Cuaca Padang

Насельніцтва

Год Колькасць 1893 12 000 1930 52 000 Год Колькасць 1971 196 300 1984 726 000 Год Колькасць 2012 821 700 2020 909 040

Гарады-пабрацімы

•  Beit Lahia^[d], Дзяржава Палесціна
•  Вунгтау, В’етнам
•  Гільдэсгайм, Германія (1988)
•  раён Гільдэсгайм^[d], Германія

Літаратура

• Пада́нг // Географический энциклопедический словарь: Географические названия (руск.) / Гл. ред. А. Ф. Трёшников; Ред. кол.: Э. Б. Алаев, П. М. Алампиев (зам. гл. ред.) и др. — 2-е изд., исправл. и дополн. — М.: Советская энциклопедия, 1989. — С. 361. — 592 с. — 210 000 экз. — ISBN 5-85270-057-6.
• Пада́нг // Географические названия мира: Топонимический словарь: Ок. 5000 единиц (руск.) / Е. М. Поспелов; Отв. ред. P. A. Агеева. — 2-е изд., стереотип.. — М.: Русские сло­вари: ООО «Издательство Астрель»: ООО «Издательство ACT», 2002. — С. 319. — 512 с. — ISBN 5-17-001389-2 (ООО «Издательство ACT»), ISBN 5-271-00446-5 (ООО «Издательство Астрель»), ISBN 5-93259-014-9 (Издательство «Русские словари»).
• Пада́нг // Т. 19. Отоми — Пластырь. — М. : Советская энциклопедия, 1975. — С. 72. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)

Спасылкі

• Padang — Sumatra Архівавана 3 студзеня 2013.
• Padang: city on a fault line
• Quake destroys history in Padang