Гётыт

Гётыт — мінерал, падкласа гідраксідаў, аксігідраксід жалеза, a-FeOOH.

Гётыт
Гётыт з Бразіліі
Формула	FeO(OH)
Сінгонія	Рамбічная (планаксіянальная)
Колер	Адценні карычневага, жоўты
Колер рысы	Жаўтавата-карычневая
Бляск	Алмазны
Празрыстасць	Прасвечвае, непразрысты
Цвёрдасць	5 — 5,5
Спайнасць	Дасканалая па {010}
Шчыльнасць	3,3 — 4,3 г/см³

Названы ў гонар вялікага нямецкага паэта, філосафа, прыродазнаўца і калекцыянера мінералаў І. В. Гётэ. Сінонім — жалезная руда ігольчастая.

Утрымлівае прымесі марганцу і алюмінію, таксама залішняй адсарбіраванай вады (гідрагётыт). Гётыт разам з гідрагётытам — галоўныя кампаненты ліманіту. Крышталізуецца ў рамбічнай сінганіі, ромба-дыпірамідальны від сіметрыі. Крышталі слупкаватыя, ігольчастыя і іх зросткі. Агрэгаты зямлістыя, радыяльна-прамяневыя, валакністыя. Колер цёмна- ці чырванавата-буры. Бляск алмазны, цьмяны або шаўкавісгы. Цвёрдасць 5—5,5. Шчыльнасць 4— 4,3 г/см³.

Асадкавы або прадукт выветрывання жалезазмяшчальных мінералаў. Каштоўная жалезная руда.

Літаратура

• Гётыт // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).

Спасылкі

• Гётыт у базе webmineral.com (англ.)
• Гётыт у базе Каталога Мінералаў (руск.)