Леччэ (футбольны клюб)

	Леччэ
Поўная назва	Unione Sportiva Lecce SpA
Заснаваны	15 сакавіка 1908
Горад	Леччэ, Італія
Стадыён	Стадыё Вія дэль Марэ; Умяшчальнасьць: 36 285
Галоўны трэнэр	Марка Джампаолё[d];
Чэмпіянат	Сэрыя А
· 2023—2024	14 месца
	Галерэя здымкаў у Вікісховішчы; uslecce.it (італ.)

«Ле́ччэ» (па-італьянску: Unione Sportiva Lecce) — італьянскі футбольны клюб з гораду Леччэ. Не зважаючы на тое, што клюб паўстаў у 1908 годзе, дэбют дружыны ў Сэрыі А прыпаў на сэзон 1985—1986 гадоў, а ужо празь некалькі сэзонаў каманда здабыла 9 месца ў элітным дывізіёне. Пасьля клюб звычайна пераходзіў паміж двума найвышэйшымі лігамі. Свае хатнія матчы «Леччэ» ладзіць на Стадыё Вія дэль Марэ, якая здольны зьмясьціць 31 533 гледача.

Гісторыя

«Леччэ» быў закладзены ў якасьці спартовага клюбу 15 сакавіка 1908 году. Спартовае аб’яданьне ўлучала каманды па футболе, лёгкай атлетыцы і роварным спорце. Першым прэзыдэнтам клюбу стаў Франчэска Марангі. У свае першыя гады футбольная дружына спаборнічала пераважна ў рэгіянальных лігах. Падчас сэзону 1923—1924 гадоў клюб быў ліквідаваны, але ўжо 16 верасьня 1927 году паўстаў наноў. У 1929 годзе «Леччэ» здабыў перамогу ў матчы плэй-оф Паўднёваітальянскай лігі і атрымаў квіток да Сэрыі Б, дзе дэбютаваў у матчы супраць «Навары» 6 кастрычніка 1929 году. «Леччэ» фінішаваў на 13 месцы, а ўжо ў сэзоне 1931—1932 гадоў зноў быў ліквідаваны. Праз чатыры гады «Леччэ» вярнуўся, але зноўку зьняўся з спаборніцтваў.

«Леччэ» знаходзіўся ў Сэрыі С, дзе сапраўдным героем клюбу стаў нападнік Ансэльма Бізьленгі. Ён за некалькі сэзонаў забіў 83 галоў, стаўшы ўлюбёнцам мясцовым заўзятараў. Гэтак з 1959 па 1975 гады клюб браў удзел у розыгрышах Сэрыі С, некалькі разоў спынаючыся за крок да павышэньня да лігі вышэй. Толькі ў 1975—1976 гадах «Леччэ» атрымаў права на ўдзел у Сэрыі Б. У той жа час клюб згуляў у Ангельска-італьянскім кубку, дзе пераканаўча выгуляў «Скарбара». У 1980 годзе адбыўся скандал, які ахапіў італьянскі футбол, у тым ліку «Леччэ». Тагачасны прэзыдэнт клюбу Франка Джурляна здолеў абараніць клюб, у выніку чаго быў дыскваліфікаваны толькі гулец Кляўдыюс Мэрлё. Пазьней у 1983 годзе ў аўтамабільнай аварыі загінулі гульцы Мікеле Лё Руса і Чыра Пэцэльля. Першы з памянёных футбалістаў згуляў у клюбнай кашулі 415 матчаў.

Пад кіраўніцтвам Эўджэніё Фашэцьці, «Леччэ» дасягнуў прасоўваньня ў Сэрыю А ўпершыню ў 1985 годзе. Пачатковы сэзон у эліце дружына скончыла на апошнім радку і вылецела ўжо праз год пасьля ўздыму. У перадапошнім матчы «Леччэ» перамог «Рому» зь лікам 3:2. Атрымаўшы паразу ў матчы плэй-оф за вяртаньне ў эліту ад клюбу «Чэзэна» зь лікам 2:1, клюб вярнуўся ў найвышэйшы дывізіён у 1988 годзе.

Склад

Актуальны на 12 верасьня 2024 году

№	Пазыцыя	Імя	Год нараджэньня
1	Бр	Крыстыян Фрухтль	2000
2	Аб	Андзі Пэльмар (ар. Клермон)	2000
3	Нап	Антэ Рэбіч	1993
4	Аб	Кіялонда Гашпар	1997
5	ПА	Мэдан Бэрыша	2003
6	Аб	Фэдэрыка Баскірота (капітан)	1996
7	Нап	Тэтэ Марэнтэ	1996
8	ПА	Гамза Рафія	1999
9	Нап	Нікала Крставіч	2000
10	ПА	Рэмі Ўдэн	1996
11	Нап	Ніколя Сансонэ	1991
12	Аб	Фрэдэрык Гільбэр	1994
13	Нап	Патрык Доргу	2004
14	ПА	Торыр Гэльгасан	2000
16	ПА	Жаан Гансалес	2002
19	Аб	Габі Жан	2000
20	ПА	Юльбэр Рамадані	1996
21	Аб	Кевін Баніфацы (ар. Балёньня)	1996

№	Пазыцыя	Імя	Год нараджэньня
22	Нап	Ламэк Банда	2001
23	Нап	Рарэш Бурнэтэ	2004
25	Аб	Антаніна Гальлё	2000
27	ПА	Эд Макджэнэт	2004
28	Аб	Сэбастыяна Эспазыта	2005
29	ПА	Лясана Кулібалі	1996
30	Бр	Улядыміра Фальконэ	1995
32	Бр	Яспэр Самооя	2003
34	Нап	Дарыё Дака	2004
36	ПА	Філіп Мархвінскі	2002
40	ПА	Люіс Аза	2004
42	Аб	Вэрнан Ада	2005
50	Нап	Сант’яга П’ероцьці	2001
75	ПА	Бальтазар П’ерэ	2000
77	ПА	Маамэд Каба	2001
98	Бр	Аляксандру Борбэй	2003
—	Нап	Епэ Корфіцэн	2004