Eter (klasikong elemento)

Susog sa suanoy asin medieval na siyensya, an eter (Ingles: aeter, an mga alternatibong pagbaybay kaini iyo an, æther, aither, asin ether), iyo man an midbid sa apod na ikalimang elemento o quintessence, iyo an materyal na nagpapano sa sarong rehiyon nin uniberso na lihis pa sa terrestrial sphere. An konsepto kan eter iyo ginamit sa nagkapirang mga teorya nganing ipaliwanag an kadakul na natural na mga phenomena, siring man pagbyahe nin liwanag asin an grabidad. Sa pinakahuring ika-19 na siglo, an mga pisiko nagsabi na an eter nakakataros sa gabos na espasyo, asin nagtatao nin medium tanganing an liwanag makabyahe sa vacuum, alagad an sarong ebidensya para sa presensya kan medium dai na manunuparan sa eksperimentong Michaelson—Morley, asin ining resulta in-interpret bilang pakahulogan na dai nag-eeksister an sarong luminous aether.