Podemos
| Podemos | |
|---|---|
 | |
| Fundadores | Luis Alegre Zahonero, Juan Carlos Monedero, Miguel Urbán, Íñigo Errejón, Carolina Bescansa y Pablo Iglesias Turrión |
| Secretaría xeneral | Ione Belarra |
| Fundación | 11 de marzu de 2014[1] |
| Estáu |
 España |
| Afiliaos | 489 074 (2017) |
| Ideoloxía política | populismu d'izquierdes[2], feminismu, republicanismu, Ecoloxismu, trosquismu, eurocomunismu y ecosocialismu |
| Posición nel espectru | estrema izquierda |
| Afiliación europea |
Ahora la Gente! (es)  |
| Páxina web | podemos.info |
 | |
Podemos ye un partíu políticu español d'esquierdes, fundáu en xineru de 2014. El so secretariu xeneral ye Pablo Iglesias Turrión. Tien representación parllamentaria na mayoría de Comunidaes Autónomes, nel Parllamentu Européu y nel Congresu de los Diputaos.
Historia
[editar | editar la fonte]L'orixe de Podemos s'atopa nel manifiestu Mover ficha: convertir la indignación en cambio político, presentáu'l fin de selmana del 12-13 de xineru de 2014 y espublizáu pola publicación dixital Público, que roblaben una trentena d'intelectuales, personalidaes de la cultura, el periodismu y l'activismu social y políticu, ente los que s'atopaben Juan Carlos Monedero, profesor de Ciencies Polítiques na Universidá Complutense de Madrid (UCM); l'actor Alberto San Juan; Jaime Pastor, profesor de Ciencies Polítiques na UNED; l'escritor y filósofu Santiago Alba Rico; el sindicalista de la Corriente Sindical d'Esquierda Cándido González Carnero; o Bibiana Medialdea, profesora d'Economía Aplicada na UCM. Nesti manifiestu espresaben la necesidá de crear una candidatura qu'allegara a les eleiciones europees de mayu d'esi añu, coles mires d'oponese, dende postures d'esquierdes, a les polítiques de la Xunión Europea pa la crisis económica. Anque nun yera ún de los firmantes del manifiestu, el 14 de xineru anuncióse que'l profesor de Ciencia Política de la UCM y analista políticu Pablo Iglesias encabezaría'l movimientu.
L'incipiente movimientu taba articuláu pol partíu Esquierda Anticapitalista, el cual esbozara na so documentación interna'l manifiestu Mover ficha, diseñáu les fases pal llanzamientu del nuevu movimientu y adelantráu como factor determinante pal ésitu de la iniciativa «La presencia d'una serie de personalidaes con proyeición mediática como cara pública del proyeutu». Ente los puntos programáticos resaltaos por Iglesias atopábense la derogación del artículu 135 de la Constitución (que fuera reformáu en setiembre de 2011 por iniciativa del presidente'l Gobiernu José Luis Rodríguez Zapatero y col sofitu de PSOE y PP); aplicación plena del artículu 128 de la Constitución («Tola riqueza'l país nes sos distintes formes y sía cual fora la so titularidá ta subordinada al interés xeneral»), yá que según Iglesias nun se taba cumpliendo; caltener el calter públicu de la educación y la sanidá; creación d'un parque de vivienda pública y aplicación retroactiva de la dación en pagu; y oposición a una reforma restrictiva de la llei del albuertu. Tamién reclamaben la derogación de les lleis d'extranxería, la salida d'España de la OTAN y pronunciábense a favor de que Cataluña decida sobro la so independencia.
Resultaos Eleutorales
[editar | editar la fonte]Referencies
[editar | editar la fonte]- ↑ «Ministerio del Interior».
- ↑ URL de la referencia: https://www.abc.net.au/news/2018-10-19/populists-and-social-media-benjamin-moffitt-top-5/10355200, , .
