Pasamontañes

Distintes formes de llevar un pasamontañas.

Un pasamontañas ye una prenda de vistir que cubre la cabeza parcial o totalmente, amosando namái la cara, o la parte cimera d'ésta, y n'ocasiones namái los güeyos. Los pasamontañas modernos pueden tar fechos de diversos materiales incluyendo seda, algodón, polipropileno, neoprenu o llana. Los pasamontañas modernos úsense tamién pa protexese del fríu n'actividaes al campu y deportes d'iviernu tales como esquí, snowboard o ciclismu sobre nieve pa protexer a la cara del vientu fríu y ayudar a caltener el calor. Tamién los motoristes pueden llevalos debaxo del cascu por razones similares.

Los pasamontañas acomúñense de cutiu con fuercies especiales tales como'l SAS, los rangers y los CIGUAOS por mentar dalgunos y con organizaciones como'l EZLN, según con asaltantes, guerrilleros, terroristes y activistes, que les usen como forma de disfraz como alternativa al camuflaje militar, según proteición contra granaes en casu de que tean feches d'un material ignífugo, o caltener el so indentidad de callao.

Los participantes en carreres de coches suelen llevar tamién pasamontañas con material ignífugo per debaxo del cascu p'ameyorar la so proteición contra'l fueu que pueda siguir a un accidente, según cubrir la boca y ñariz pa evitar esneldar el fumu. Nel casu de les carreres d'aceleración (drag race) los pasamontañas suelen tener dos furacos pequeños pa los güeyos y lo demás cubiertu debíu al gran riesgu de quema.

Los participantes de airsoft tamién lleven pasamontañas per debaxo del cascu pa protexer los oyíos, el pescuezu y otros puntos vulnerables na cabeza y la cara.

Enllaces esternos

Referencies

Enllaces esternos

Wikimedia Commons tien conteníu multimedia tocante a Pasamontañes.