Monte Merapi

Monte Merapi
	Gunung Merapi (id)
Situación
País	Indonesia
Provincia	Jawa Tengah
Tipu	estratovolcán
Coordenaes	7°32′29″S 110°26′46″E / 7.5414°S 110.4461°E
	Monte Merapi Monte Merapi (Indonesia)
Datos
Altitú media	2910 m

Monte Merapi o Marapi (n'indonesiu/xavanés: Gunung Merapi, traducíu como Monte de fueu) ye un estratovolcán con forma de conu, allugáu en Java Central, n'Indonesia, a unos 400 km al sudeste de la capital, Xakarta. Colos sos 2.911 metros d'altitú, ye'l volcán más activu d'Indonesia. El so tipu d'erupción suel ser pliniana.

Fixo erupción 70 vegaes dende 1548. El so nome significa «Monte de fueu». Asítiase cerca de la ciudá de Yogyakarta, y miles de persones viven nes sos faldes, con delles aldegues allugaes a 1700 m. s. n. m.

Foi incluyíu na llista de "Volcanes de la Década". En 1994 mató a 27 persones.

Esiste otru volcán col mesmu nome na provincia de Sumatra Occidental.

Historia xeolóxica

El volcán suel entrar n'erupción cada 10-15 años, siendo les erupciones más destacaes les de 1006, 1786, 1822, 1872, y 1930 —cuando los fluxos piroclásticos destruyeron 13 aldegues, causando la muerte d'unes 1.400 persones.

Erupción de 2006

El 15 de mayu de 2006 volvió entrar n'erupción, tres unes selmanes d'aumentu d'actividá sísmica. Por cuenta de esta erupción creóse un perímetru de seguridá que llevó a la evacuación de 17.000 persones. Esta erupción cesó a mediaos de mayu.

El 27 de mayu hubo un terremotu de 5,6 na escala de Ritcher, col epicentru a 50 km al sur del volcán, que causó la muerte de 5.000 persones y dexando ensin llar a unes 200.000 na rexón de Yogyakarta. En xunu fueron evacuaos 11.000 habitantes por cuenta de los fluxos piroclásticos, conocíos como wedhus gembel (xavanés: machu cabrío peludo), que baxaron peles fasteres escontra Kaliadem, causando la muerte a dos persones.

Erupción de 2010

El 25 d'ochobre de 2010 entró n'erupción pola so aguada sur-sureste, n'españando causó un total de 272 muertos, 412 sumíos y 4.000 movíos.^[1] Debíu al fumu y a les roques incandescentes emitíes mientres la erupción, finaron polo menos 151 persones y unes 320.000 fueron sacupaes, creándose un perímetru de seguridá de 20 quilómetros de radiu alredor del volcán.^[2]

Erupción de 2023

El 11 de marzu de 2023 el volcán volvió reactivase. Anguaño, ta espulsando un ríu de lava d'un quilómetru y mediu y grandes nubes de fumu y ceniza. Nun s'emitió nenguna orde d'evacuación y espérase que nun suponga un gran peligru para la población cercana, anque s'encamienta nun tar nun perímetru mínimu d'unos cuantos quilómetros de la erupción.

Erupción volcánica, el 3 d'avientu de 2023.^[3]^[4]^[5]^[6]^[7]

Parque nacional

En 2004, un área de 6410 hectárees alredor del monte Merapi foi declarada parque nacional. La decisión del Ministeriu de Silvicultura de declarar el parque foi recurrida nos tribunales pol Foru Indonesiu para el Mediu Ambiente, d'acordies colos habitantes de la zona. Mientres la erupción del volcán en 2006 detectóse que munchos residentes resistíense a abandonar porque tarrecíen que les sos viviendes seríen confiscaes pa ampliar el parque nacional.

Ver tamién

Volcanes más altos del mundu

Referencies

↑ Tsunami Indonesia Octubre 2010
↑ Nueva erupción del volcán Merapi, en Indonesia, que ha matado a 38 personas
↑ https://www.marca.com/mx/actualidad/2023/12/04/656dfd68ca4741be138b45d7.html Erupción 3 de avientu de 2023]
↑ «Impresionantes imágenes de la erupción del volcán Merapi de Indonesia» (castellanu). La Vanguardia (2023-03-12). Consultáu'l 2023-03-12.
↑ «Entra en erupción el volcán Merapi, uno de los más activos del mundo» (castellanu). EITB (2023-03-11). Consultáu'l 2023-03-12.
↑ «VIDEO : Erupciona el volcán Merapi, el más activo y peligroso de Indonesia, situado en la isla de Java» (castellanu). euronews. Consultáu'l 2023-03-12.
↑ Aragón, Heraldo de. «Imágenes: Fotos del volcán Merapi en erupción» (castellanu). heraldo.es. Consultáu'l 2023-03-12.

Enllaces esternos

20minutos - Erupcion Monte Merapi Indonesia, (03/12/2023) (castellán)

[1] Tsunami Indonesia Octubre 2010

[2] Nueva erupción del volcán Merapi, en Indonesia, que ha matado a 38 personas

[3] ttps://www.marca.com/mx/actualidad/2023/12/04/656dfd68ca4741be138b45d7.html Erupción 3 de avientu de 2023]

[4] «Impresionantes imágenes de la erupción del volcán Merapi de Indonesia» (castellanu). La Vanguardia (2023-03-12). Consultáu'l 2023-03-12.

[5] «Entra en erupción el volcán Merapi, uno de los más activos del mundo» (castellanu). EITB (2023-03-11). Consultáu'l 2023-03-12.

[6] «VIDEO : Erupciona el volcán Merapi, el más activo y peligroso de Indonesia, situado en la isla de Java» (castellanu). euronews. Consultáu'l 2023-03-12.

[7] Aragón, Heraldo de. «Imágenes: Fotos del volcán Merapi en erupción» (castellanu). heraldo.es. Consultáu'l 2023-03-12.

[1]

[2]

[3]

[4]

[5]

[6]

[7]