Lliberales d'Andorra

Lliberales d'Andorra
	Partit Liberal d'Andorra (ca)
	partíu políticu
Llocalización
Sede	Andorra la Vieya
Direición	Andorra
Historia
Fundación	1992
Fundador	Marc Forné Molné (es)
Organigrama
Presidente	Jordi Gallardo Fernández (es) (2013)
Forma parte de	ver Partíu Européu Lliberal Demócrata Reformista;
	Web oficial

Lliberales d'Andorra, (LdA; en catalán y oficialmente, Liberals d’Andorra), conocíos nel pasáu como Partíu Lliberal d'Andorra, ye un partíu políticu andorranu lliberal.

Forma parte del ALDE (Alliance of Lliberal and Democrats for Europe) que ye una agrupación de partíos lliberales n'Europa. Y de igual manera ta afiliáu a la Lliberal Internacional.

Historia

Marc Forné Molné fundó'l partíu nel 1992 col nome d'Unión Lliberal. A les elecciones de 1993 recibió'l 22 % de los votos y llogró cinco escaños, faciéndolo'l segundu partíu más grande del Conseyu Xeneral. A pesar de que'l partíu yera nela oposición dempués de que Òscar Ribas Reig formara una coalición de gobiernu progresista, Ribas dimitió como presidente dempués d'una moción de censura. Asina, Forné socedió a Ribas nel gobiernu'l 7 d'avientu de 1994.

Dempués de dos mociones de censura, Forné convocó elecciones antemanaes para 1997. La Unión xunióse con dellos partíos locales, incluyendo Unión Lliberal–Grupu Lliberal de Encamp, el Grupu Opinión Lliberal (GOL), Unidá y Renovación (UiR) y Unión Laurediana. La Unión consiguió 16 escaños, de los cualos 4 yeren del GOL, 2 de UL y 2 de UiR; Forné siguió como presidente del gobiernu.

Poco antes de les elecciones de 2001, el partíu reanomerase como Partíu Lliberal d'Andorra. Llogró'l 46,1 % del votu popular y 15 escaños, con Forné como presidente de gobiernu. A les elecciones de 2005 el partíu perdió otru escañu, pero pudo formar gobiernu, lideráu por Albert Pintado. Pintado dimitió, y el cargu pasó a Joan Gabriel antes de les elecciones de 2009.

El partíu presentose a les elecciones dientro de la Coalición Reformista xunto cola Unión Laurediana, Nuevu Centru, ya Independientes de Ordino. La Coalición llogró 11 escaños, mientres que los socialdemócrates consiguieron 14 y formaron gobiernu.

A les elecciones de 2011, el Partíu Lliberal y los otros miembros de la Coalición Reformista sofitaron a Demócrates per Andorra (DA). El nuevu partíu escoyó Antoni Martí como líder y ganó les elecciones con 20 de los 28 diputaos del Conseyu Xeneral. En metá del primer mandatu de Demócrates per Andorra, un grupu d'activistes del partíu trabayaron p'allegar xebradamente nes elecciones de 2015. Presentaron el so nuevu nome Lliberales d'Andorra y anunciaron la so intención de ser candidatos a les siguientes elecciones.

A les elecciones de 2015, Lliberales d'Andorra recibió'l 27,7 % de los votos y 8 escaños al Conseyu Xeneral, convirtiéndose nel principal grupu de la oposición al Conseyu Xeneral. A les elecciones comunales d'aquel mesmu añu, cola suma d'Independientes a les sos llistes, consiguió representación en seis de los siete comunes del país. Nesti casu, tamién foi'l principal partíu a les minoríes parroquiales.

A les elecciones xenerales del 2019 consiguió cuatro conseyeros xenerales que lu sirvieron pa entrar a formar parte del primer gobiernu de coalición del país ocupando cuatro ministerios.

Referencies

Enllaces esternos

Wikimedia Commons tien conteníu multimedia tocante a Lliberales d'Andorra.