Intensidá de corriente llétrica

Intensidá de corriente llétrica
	naturaleza de una magnitud (es) y cantidad base del SI (es)
	cantidá física y propiedá física escalar

Denómase intensidá de corriente llétrica a la carga llétrica que pasa a traviés d'una seición del conductor na unidá de tiempu. Nel Sistema Internacional d'Unidaes esprésase en C·s^-1 (culombios/segundu), unidá denomada amperiu.

Si la intensidá ye constante nel tiempu, dizse que la corriente ye continua; nel casu contrariu denómase variable. Si nun se produz atroxamientu nin amenorgamientu de carga en dengún puntu del conductor, la corriente ye estacionaria.

Mídese con un galvanómetru que, calibráu n'amperios, denómase amperímetru y nel circuitu, allúgase en serie col conductor que-y queremos midir la intensidá.

El valor i de la intensidá instantáneo será:

i={\frac {dq}{dt}}

Si la intensidad se caltién constante, nesi casu denótase I, utilizando incrementos finitos de tiempu pue definise como:

I={\frac {\Delta q}{\Delta t}}

Si la intensidá ye variable la fórmula anterior da'l valor mediu de la intensidá nel intervalu de tiempu consideráu.

Según la Llei d'Ohm, la intensidá de la corriente ye igual al voltaxe dividíu pola resistencia qu'oponen los cuerpos:

I={\frac {V}{R}}

Faciendo referencia a la potencia, la intensidá equival a la raíz cuadrada de la potencia dividía pola resistencia. Nun circuitu que caltenga dellos xeneradores y receutores, la intensidá ye neto a:

$I={\frac {\Sigma \ {\mathcal {E}}-\Sigma \ {\mathcal {E}}'}{\Sigma \ R+\Sigma \ r+\Sigma \ r'}}$

au Σε ye'l sumatoriu de les fuercies lletromotrices del circuitu, Σε' ye la suma de toles fuercies escontralletromotrices, ΣR ye la resistencia equivalente del circuitu, Σr ye la suma de les resistencies internes de los xeneradores y Σr' ye'l sumatoriu de les resistencies internes de los receutores.

Ver tamién

Referencies

Enllaces esternos

Wikimedia Commons tien conteníu multimedia tocante a Intensidá de corriente llétrica.