Buzz Aldrin

Buzz Aldrin
Vida
Nacimientu	Glen Ridge, 20 de xineru de 1930 (94 años)
Nacionalidá	Estaos Xuníos
Familia
Padre	Edwin Eugene Aldrin Sr.
Casáu con	Joan Ann Archer (en) (1954 – 1974); Beverly Van Zile (en) (1975 – 1978); Lois Driggs Cannon (1988 – 2012); Anca Faur (en) (2023 – )
Estudios
Estudios	Institutu Teunolóxicu de Massachusetts ; Severn School (en) ; Academia Militar de los Estaos Xuníos ; Montclair High School (en)
Nivel d'estudios	doctor en ciencies
Tesis	Line-of-sight guidance techniques for manned orbital rendezvous
Direutor de tesis	Walter Wrigley; Myron A. Hoffman (en) ; Robert L. Halfman (en) ; Norman E. Sears (en)
Llingües falaes	inglés
Oficiu	oficial de la fuerza aérea, pilotu de guerra, cosmonauta, autobiógrafu, escritor de ciencia ficción, inxenieru, empresariu
Emplegadores	NASA
Premios	ver Cruz de Vuelo Distinguido ; Salón de la Fama de los Astronautas de Estados Unidos ; Medaya d'Oru del Congresu de los Estaos Xuníos ; Medalla de la NASA de Vuelo espacial ; Estrella del Paséu de la Fama de Hollywood ; Aviation Hall of Fame and Museum of New Jersey ; Premio Steiger ; New Jersey Hall of Fame ; Harmon Trophy ; Medaya aéreo ; Lexonariu de la Lexón del Méritu ; Medaya per Serviciu Distinguíu de la Fuercia Aéreo ; Medaya Presidencial de la Llibertá ; Medalla de la NASA al Servicio Excepcional (1966) ; Orden de la Cultura (1969) ; Medaya Cullum (1969) ; Medalla de la NASA de Servicios Distinguidos (1970, 1970) ; Gran Medaya d'Oru de les Esploraciones (1970) ; Medalla Hubbard (1970) ; Salón de la fama espacial internacional (1982) ; Langley Gold Medal (1999) ; Salón de la Fama de la Aviación Nacional (2000) ; Horatio Alger Award (2005) ; Salón de la Fama de California (2011) ; Ellis Island Medal of Honor (14 mayu 2017) ; Living Legends of Aviation (20 xineru 2023) ;
Miembru de	Academia Internacional de Astronáutica (es)
Serviciu militar
Cuerpu militar	Fuercia Aérea de los Estaos Xuníos
Graduación	Coronel
Lluchó en	Guerra de Corea
Astronauta
Misiones	Gemini 12 Apollo 11
Insinies de misión
Tiempu nel espaciu	17 392 minutos
Creencies
Partíu políticu	Partíu Republicanu de los Estaos Xuníos
IMDb	nm0004696
	buzzaldrin.com

Buzz Aldrin (nome de nacencia Edwin Eugene Aldrin Jr.; 20 de xineru de 1930, Glen Ridge) foi astronauta de la NASA y la segunda persona en pisar la Lluna na llexendaria misión del Apollo XI.

Biografía

Aldrin asistió a l'Academia Militar de los Estaos Xuníos en West Point, y entró a la Fuercia Aérea de los Estaos Xuníos aú recibió entrenamientu como pilotu en 1951. Aldrin voló en 66 misiones de combate n'aviones F-86 demientres la Guerra de Corea, baltiando dos MIG-15. Conocíu por toos al traviés del so nomatu, "Buzz", Aldrin foi amás una de les figures más importantes nel llogru del Programa Apolu colo cual los estauxunidenses llegaron a la Lluna en 1969, venciendo a los soviéticos demientres la carrera espacial.

Aldrin convirtióse n'astronauta mentantu la seleición del tercer grupu de la NASA n'ochobre de 1963. El 11 de payares de 1966 voló al espaciu a bordu de la Gemini XII, un vuelu de 4 díes de duración nel cual orbitó 59 vueltes alredor la Tierra, finando esitosamente'l Programa Gemini. La seleición d'astronautes resultó ser l'acondada yá qu'Aldrin foi una de les figures más importantes trabayando demientres el Proyeutu Gemini pal problema del acoplamientu de naves n'órbita terrestre o llunar. Ensin estos entrenamientos les misiones Apollo enxamás nun podríen tenese concretaos. Aldrin, que tenía un doctoráu n'astronáutica del Institutu de Teunoloxía de Massachusetts, taba perfechamente calificáu pa esti trabayu, y les sos enclinaciones intelectuales aseguráron-y llevar a cau les sos xeres con gran entusiasmu.

Sistemáticu y llaborioso, Aldrin trabayó pa desendolcar ferramientes y procedimientos afayadizos p'algamar l'alcuentru y acoplamientu espacial. Aldrin tamién foi una figura central p'afitar los métodos afayadizos pa llevar a cau les actividaes estravehiculares (EVA) que los astronautes faen fuera de les sos naves. Esti foi otru de los avances críticos pal ésitu d' Apolu.

Aldrin foi elixíu como pilotu de la tripulación de la misión d'Apollo XI. D'esta mena'l 20 de xunetu de 1969 llograron cumplir col mandáu del entós presidente John F. Kennedy, qu'estableciera unviar a los primeros estauxunidenses a la Lluna enantes de la fin de la década de 1960.

Aldrin foi la segunda persona en triar la Lluna dempués del comandante de la misión, Neil Armstrong, y los dos pasaron cerca de 20 hores sobro la superficie llunar enantes de tornar al módulu de comandu Apollo, onde Michael Collins-yos esperaba pa emprimar el so viaxe de torna. La nave y los sos esploradores tornaron pa la Tierra'l 24 de xunetu de 1969. Pesia al ésitu algamáu cola arribada a la Lluna, Aldrin entró nuna fondera depresión pocu tiempo depués de la so torna y nunos meses más sero entamó a tener problemes d'alcoholismu. Gracies a un duru tratamientu Aldrin puo recuperase y convertise na personalidá pública que ye anguaño.

En 1971 Aldrin tornó a la Fuercia Aérea y retiróse un añu más sero. Escribió dos llibros importantes sobro les sos actividaes nel programa espacial d'Estaos Xuníos. En Return to Earth (1970), Aldrin remembra'l vuelu del Apollo XI. En Men from Earth (1989), alderica acerca de la carrera espacial ente los Estaos Xuníos y la Xunión Soviética.

Edwin Aldrin ye un importante analista del programa espacial dende la década de 1960. A estremancia de los sos collacios, siempres foi'l más espuestu a los medios; yá seya pa conferencies n'universidaes, entrevistes, ya inclusive conferencies sobro futuribles viaxes a Marte. Anguaño vive cerca de Los Angeles, California.

Tres esti históricu viaxe, foi afalagáu xunta los sos collacios por diversos países, recibiendo numberoses condecoraciones, ente elles la Medal for Freedom del Presidente de los Estaos Xuníos, la Distinguised Service Medal de la NASA, o l'Air Medal, ente otres.

Depués de delles depresiones, que-y somorguiaron nel alcohol, tien algamao sortir de l'adicción y continúa dando conferencies sobro la so esperiencia llunar y escribiendo llibros sobro ciencia ficción. Una de les sos frases más controvertíes ye: “Si aportamos a la Lluna nun foi pa estudiala nin recoyer mueses del so suelu, sinón p'aventayar a los rusos na carrera espacial. Tolo demás quedó en segundu planu...”.

Ye miembru honorariu del American Institute of Aeronautics and Astronautics y tien trabayáu nes especificaciones pal diseñu del proyeutu del tresbordador espacial, siendo amás autor de dos llibros sobro'l programa espacial norteamericanu: “Return to Earth” (1970) y “Men from Earth” (1989).

Aldrin recibió numberoses mofles per aciu a que la so ma nomábase Moon (Lluna n'inglés) y por ser el primer ser humanu en realizar "agües mayores" sobro la superficie llunar.

Bibliografía

Return to Earth (1970)
Men from Earth (1989)

Referencies

↑ «San Francisco Museum of Modern Art online collection» (inglés). Consultáu'l 31 agostu 2021.
↑ Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
↑ URL de la referencia: https://twitter.com/TheRealBuzz/status/1616600085441159168. Data de consulta: 21 xineru 2023.
↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
↑ ^5,0 ^5,1 URL de la referencia: https://searchpub.nssc.nasa.gov/servlet/sm.web.Fetch/Agency_Awards_Historical_Recipient_List.pdf?rhid=1000&did=2120817&type=released.
↑ URL de la referencia: https://www.nmspacemuseum.org/inductee/edwin-e-aldrin-jr/. Data de consulta: 17 xunetu 2023.
↑ National Aviation Hall of Fame ID: buzz-aldrin.
↑ «Member Profile – Horatio Alger Association». Consultáu'l 12 abril 2018.
↑ «HERB BAUM honored» (inglés). Treasure Coast Newspapers (22 xunu 2017). Consultáu'l 6 ochobre 2021.
↑ URL de la referencia: https://living-legends-of-aviation.myshopify.com/pages/dr-buzz-aldrin. Data de consulta: 21 xineru 2023.

Enllaces esternos

[c8c9f863ef580e13e1347358447a60705c3e6585-1] «San Francisco Museum of Modern Art online collection» (inglés). Consultáu'l 31 agostu 2021.

[abc9457dcf728dd069b8ed5b2e1a86035cf2b679-2] Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.

[cd327a37553eb385163079b228106686fcf8ff5b-3] URL de la referencia: https://twitter.com/TheRealBuzz/status/1616600085441159168. Data de consulta: 21 xineru 2023.

[fd6dfe7b025282b0864f51209e6c6b2488767295-4] Biblioteca Nacional de Francia. «autoridaes BNF» (francés). Consultáu'l 10 ochobre 2015.

[29c7e77e3651b4a66f98294626c774c8dde3a372-5] 5,0 ^5,1 URL de la referencia: https://searchpub.nssc.nasa.gov/servlet/sm.web.Fetch/Agency_Awards_Historical_Recipient_List.pdf?rhid=1000&did=2120817&type=released.

[c5eb77b3a08bd650afe9b48c1a972c176547c987-6] URL de la referencia: https://www.nmspacemuseum.org/inductee/edwin-e-aldrin-jr/. Data de consulta: 17 xunetu 2023.

[32a7a170e1aa8fc478e1bf0d50fd51fa90531d04-7] National Aviation Hall of Fame ID: buzz-aldrin.

[67e0e5708030bd3f861ab9faa30de8060620ea91-8] «Member Profile – Horatio Alger Association». Consultáu'l 12 abril 2018.

[753ca874053425eb78406767a83d488d3fb12337-9] «HERB BAUM honored» (inglés). Treasure Coast Newspapers (22 xunu 2017). Consultáu'l 6 ochobre 2021.

[44dfeee11021f3ea5d643d5939df3c4a9243151d-10] URL de la referencia: https://living-legends-of-aviation.myshopify.com/pages/dr-buzz-aldrin. Data de consulta: 21 xineru 2023.

[1]

[2]

[3]

[4]

[5]

[6]

[7]

[8]

[9]

[10]