383 Madison Avenue

383 Madison Avenue
	Rascacielos y edificiu d'oficines
Llocalización
País	Estaos Xuníos
Estaos	Nueva York
Ciudá	Nueva York
Borough	Manhattan
Direición	Avenida Madison, 383
Coordenaes	40°45′20″N 73°58′37″W / 40.7556°N 73.9769°O
	383 Madison Avenue 383 Madison Avenue (los EE.XX.)
Historia y usu
Inicio de manufactura o construcción (es)	1999
Dueñu	JP Morgan Chase (es)
Comisariu	Gerald D. Hines
Usuariu	JP Morgan Chase (es)
Arquiteutura
Arquiteutu/a	David Childs; Skidmore, Owings and Merrill (es)
Inxenieru d'estructures	WSP Global (es)
Materiales	aceru, vidru y aluminiu
Estilu	arquiteutura postmoderna
Altor	230 m
Pisos	47
Ascensores	30

383 Madison Avenue ye un edificiu d'oficines de la ciudá d'Estaos Xuníos de Nueva York. Ta asitiáu na avenida Madison (Madison Avenue), ente les cais 46 (46th Street) y 47 (47th Street). Conocíu previemente como Bear Stearns Building, yera la sede mundial d'esi bancu d'inversiones dende la construcción del edificiu hasta la quiebra de Bear Stearns y la so posterior venta, en 2008, a JP Morgan Chase.

Diseñáu por David Childs, del estudiu d'arquiteutura Skidmore, Owings & Merrill LLP, tien un altor de 230 m (755 pies) y 47 pisos, con un total de 110.000 m² d'espaciu útil. L'edificiu tien forma de torre octogonal, que se llevanta perriba d'un podiu cuadráu de ocho pisos d'altor. Recubiertu de cristal y paneles de granito, el cumal de la torre tien una corona de cristal de 22 m que s'ilumina pela nueche. L'esterior del rascacielos tien un diseñu distintu al estilu funcionalista de los edificios que lu arrodien, y esto fai que les opiniones sobre la so guapura nun seyan unánimes. Propiedá, como yá dixéramos, de JP Morgan Chase dende que se ficiera cargu de Bear Sterns tres la so quiebra, tien un valor estimáu (2008) de 1.100-1.400 millones de dólares.

Nel solar qu'ocupa esti edificiu hubo planes pa construyir, na década de 1980, una torre de 72 pisos. L'edificiu, conocíu como Travelstead Tower, fuera diseñáu por Kohn Pedersen Fox, y inxamás llegó a construyise.

Referencies

Enllaces esternos

(n'inglés) El 383 Madison Avenue na web Emporis.com
(n'inglés) Modelu dixital en 3D del edificiu en Google 3D Warehouse Archiváu 2012-08-02 en Wayback Machine
(n'inglés) La nonata Travelstead Tower na web Skyscraperpage.com