Roberto González-Quevedo

Roberto González-Quevedo González (1953, Palacios del Sil) ye un filósofu, antropólogu y llingüista.

Roberto González-Quevedo
presidente Association pour les langues et cultures européennes menacées (en) década de 2020 -
Vida
Nacimientu	Palacios del Sil, 1953 (70/71 años)
Nacionalidá	España
Estudios
Llingües falaes	castellanu
Oficiu	antropólogu, escritor

Biografía

Ye llicenciáu en filosofía y doctor n'antropoloxía y en filoloxía (gracies a la so obra La Fala de Palacios de Sil).

Roberto González-Quevedo ye fíu de la escritora palaciega Eva González. A mancomuña escribieron una serie llibros, Poesías ya hestorias na nuesa tsingua; Poesías ya cuentus na nuesa tsingua (1980), Bitsarón: Cousas pa nenus ya pa grandes na nuesa tsingua (1981), Xentiquina (1983), Xeitus: poesías ya cuentus (1985) y Branas d'antanu ya xente d'anguanu: poesías ya cuentus (1990).

En 1981 algamó'l Premiu de Narraciones Curties de la Diputación d'Asturies (antecesor del Xosefa Xovellanos) col so rellatu: Pul sendeiru la nueite, un llibru de calter iniciáticu que recrea Pesicia, una tierra d'aniciu prerromanu, patria de los ástures más occidentales, los pésicos. Una tierra que conxuga l'occidente d'Asturies col de Lleón. Siempre atentu a la evolución cultural conxunta de les dos fasteres más occidentales d'esos antiguos reinos, vien collaborando nos espacios creaos n'andecha ente les dos tierres dende la transición.

González-Quevedo ye miembru de númberu de l'Academia de la Llingua Asturiana ocupando anguaño'l cargu de secretariu, y direutor de la espléndida revista Cultures, editada pola Academia asturiana y dedicada a temes antropolóxicos y etnográficos.

Bibliografía

Con so ma

• Poesías ya hestorias na nuesa tsingua; Poesías ya cuentus na nuesa tsingua (1980)
• Bitsarón: Cousas pa nenus ya pa grandes na nuesa tsingua (1981)
• Xentiquina (1983)
• Xeitus: poesías ya cuentus (1985)
• Branas d'antanu ya xente d'anguanu: poesías ya cuentus (1990)

Recopilaciones

• Cuentus de Nós (1983)
• Cuentos de Lleón (1996)
• El Dialecto Leonés (2006) Obra conmemorativa.

Solu

• Pul sendeiru la nueite (1981)
• Inis Aion (1986)
• Llume de Lluz (2002)
• Pan d'Amore (2004)
• El Sil que baxaba de la nieve (2007)
• Onde Viven los Amigos (2010)
• Sangre na braña (2011)

Ensayu ya investigación

• Roles sexuales y cambio social en un valle de la Cordillera Cantábrica (1991)
• Antropoloxía llingüística: cultura, llingua y etnicidá (1994)
• Economía y cultura: cambios económicos y cambios culturales n'Asturies (1997)
• La cultura de los vaqueiros de alzada según Bernardo Acevedo (1997)
• La Fala de Palacios de Sil (2001)
• Antropología social y cultural de Asturias, introducción a la cultura asturiana (2003)
• Historia de la Filosofía (2005)

Enllaces esternos

• González-Quevedo va echar el pregón de la fiesta de la Oficialidá
• González-Quevedo pide apoyos pa preservar el Paḷḷuezu (enllaz rotu disponible n'Internet Archive; ver l'historial y la última versión).

• Datos: Q9069875