Cántabros
El pueblu cántabru[1](en llatín cantăber) foi un pueblu prerromanu qu'habitaba nel norte la península Ibérica, nun territoriu más estensu que la comunidá autónoma de Cantabria actual. La so capital alcontrábase n'Amaya, güei na provincia de Burgos (ver mapa).
 | |
| Tipu | grupu étnicu históricu |
|---|---|
 | |
Tiénense noticies de delles tribus o clanes, como puen ser los salaenos, orgenomescos, avariginios, blendios y coniscos nel llitoral, y cadinienses, concanos, plentusios, tamáricos y morecanos nel interior.
Descripción
editarLa primer mención histórica documentada sobre esti pueblu proporciónanosla Catón el Vieyu na so obra Los Oríxenes, de la que se caltienen dellos retayos. Nún d'ellos fala de la campaña que'l propiu Catón fixo pela península Ibérica cuando yera cónsul nel añu 195 e.C. Diz: «...fluvium Hiberum: is oritur ex Cantabris, magnus atque pulcher, pisculentus»: «El rigu Ebru: naz en tierra de Cántabros, grande y formosu, abondosu en pexes».
Esti tipu de referencies amuésanos yá a los cántabros como una unidá social conocida nel sieglu III e.C, lo que premitiría datar la so xénesis ente finales de la Edá del Bronce y entamos de la Edá del Fierro. Darréu d'esi escritu de Catón les menciones d'historiadores, xeógrafos griegos y llatinos son abondes, sobremanera demientres la so resistencia nes Guerres Cántabres escontra Roma.
Aportáronmos dellos testos que describen a esti pueblu, como'l versu del poeta Horaciu: «Cantabrum indoctum iuga ferre nostra», que significa «El cántabru, non aprendíu a portar el nuesu xugu», o l'estractu del xeógrafu romanu Estrabón:
- Estos aliméntense, en dos tiempos del añu, de bellota, ensugándola, galdiéndola y faciendo pan de la fariña. Ellaboren bébora de cbada; tienen pocu vinu, y el que-yos llega consúmenlo llueu en garulles colos allegaos. Cenen sentaos, dispuestos a esti fin escaños nes paredes. La edá y la dignidá ceden los primeros llugares. Mentes se sirve l'alcohol baillen a son de gaita y de xiblata. Visten toos de prietu con sayos, de los que formen xaceda, chándolos sobre xergones. Tienen vasos de ceruyu como los celtes, y les muyeres ellaboren ropes enfloriaes o de color de rosa.
- En cuenta de dineru camuden una cosa por otra, o esbillen una chapla o una plancha de plata.
- A los condergaos a muerte espéñenlos per un escobiu, y a los patricides entiérrenlos de piedres fuera de los sos términos o de los sos ríos.
- Los casorios son al xeitu de los griegos; y a los enfermos sáquenlos al públicu, como los exipcios, al envís de tomar conseyu de los que sanaren d'un accidente asemeyáu.
- Hasta'l tiempu de Bruto emplegaben barques de pelleyu; y tienen dellos de tueros d'árboles.
- Lo rocinariu y fiereza de los sos vezos remanez non solo de les guerres, sinón de vivir apartaos d'otres xentes, y faltando comunicación falta tamién sociedá y humanidá. Güei remedióse daqué pol tratu colos romanos dempués de sometelos Augustu; pero los que tienen menos comunicación son más inhumanos, contribuyendo pa ello l'asperez de los montes nos que viven.
- Llávense col mexu que dexen apodrecer nes cistiernes, y homes y mujyres llímpiense con ellos los dientes.
- Las madres mataben sos fíos en tiempu de la guerra cantábrica pa que nun cayeren en manes de los sos enemigos. Un mozu, viendo a sos padres y hermanos prisioneros, matólo a toos por orde del padre, que-y diera'l fierru pa ello. Otru, llamáu a una convidada, llanzóse al fueu.
- Les muyeres llabren los campos, y cuando paren echen a los maríos y elles-yos sirven. Cúntase tamién en prueba de la demencia cantábrica que dalgunos, viéndose clavaos en cruces polos sos enemigos, cantaben allegremente, lo qu'indica fiereza.
- Duna herba semeyante al apiu formen una gafura mui delixente que mata ensin duelgu, y lo tienen a la mán pa emplegalu en cualesquier adversidá, especialmente por si daben en manes de romanos.
- D'una planta asemeyada al apiu formen un velenu activísimo que mata ensin dolor, y tiénenlo a la mano pa usalo en cualaquier adversidá, especialmente por si daben en manes de romanos.
- Otres coses, diz, usen non tan de fieres, como ye que'l varón dota la muyer; qu'institúin herederes a les fíes y éstes casen a los hermanos, lo que nun ye mui civil por incluyir dalgún imperiu de la muyer sobre l'home.
- Enrique Flórez - Estrabón. La Cantabria, 1768.
Xenealoxía
editar
Nos xacimientos arqueolóxicos cantábricos afáyense, sobre un sustratu neolíticu matriarcal, elementos de poblaciones indoeuropees previes a les céltiques. Estes poblaciones provendríen de la rexón del Danubiu y la cultura funeraria de Campos d'Urnes de la Edá del Bronce p'asentase dempués, nel segundu mileniu enantes de Cristu, en tornu al altu Ebru.
Tanto los xentilicios emplegaos por delles tribus o clanes cántabros — en particular el de los orgenomescos, asina como los cultos equinos, son asemeyaos a los de los sármates y moesios, Mekhi o micénicos. Estos últimos, de llingua indo-europea tamién, provendríen de les rexones al norte del Danubiu y emigraron a llugares mui remotos calteniendo los sos nomes orixinales o variantes, según James P. Mallory . Estudios xenéticos de la población actual, detecten nos xenes masculinos un porcentaxe significante con filiacion al haplogurupu E3b, que n'Europa ye mayoritariu en poblaciones contemporánies del ámbitu del Mar Exéu, Macedonia, Bulgaria, Albania y l'antigua Tracia. Esti elementu xenéticu pudo aportar tamién a Cantabria coles colonies de romanos o dientro de les confederaciones de vándalos, alanos y godos.
El clan dominante na estaya más rica y d'accesu a los pasos d'altura, los plentusios, ta arreyáu cola cultura posterior de La Tène, propiamente céltica y proveniente del baxu Rhin. Blenden (=rescamplar, rellumar, cegar, resplandeciente) ye entá un distritu de Xermania na ancestral estaya «belga». Pudiera ser de les primeres tribus escorripiaes por tribus xermanes con anterioridá al 300 e.C. decataríase yá d'esto nel alborecer de los estudios célticos. Estos son, quiciabes, paecíos n'etimoloxía y identidá a los Pelendones celtibéricos ente los ríos Ebru y Dueru.
Concanos, coniscos, salaenos y otros pueblos pudieron ser relegaos a estayes menos favoratibles, dientro la comunidá tribal al paecer representar grupos célticos del Hallstatt pre-britónicu o xentilidaes matriarcales paleolíticos afines a los vascos como sorraya Joaquín González Echegaray.
Tribus y clanes
editarReferencies
editar- ↑ Esti términu apaez nel Diccionariu de l'Academia de la Llingua Asturiana. Ver: cántabru
Enllaces esternos
editar- (castellán) Cantabria infinita, Patrimoniu y Historia Archiváu 2007-04-26 en Wayback Machine.
- (castellán) Historia de Cantabria.
- (castellán) Faza arqueolóxica de la Ulaña Archiváu 2007-09-29 en Wayback Machine.
