SOFIA

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

SOFIA (de l'anglés Stratospheric Observatory for Infrared Astronomy "Observatorio estratosferico d'astronomía infrarroya") ye un telescopio reflector de 2,5 metros construiu por l'achencia espacial alemana DLR y alochau en un avión Boeing 747SP d'a NASA. Vola a una altitut d'uns 13 km y efectúa observacions en o infrarroyo entre longarias d'onda de 0,3 y 1600 μm. SOFIA ha estau en uso dende o 30 de noviembre de 2010.

En abril de 2019, SOFIA detectó a molecula de hidruro d'helio en a boira planetaria NGC 7027. L'hidruro d'helio (HeH+), sintetizau en laboratorio en 1925 no s'heba detectau en o meyo natural dica alavez.^[1]

En octubre de 2020 SOFIA confirmó, por primera vegada, a presencia d'augua en a superficie d'a Luna iluminada por o sol y que no se limita a puestos fríos y en pacos.^[2]