Lugar viello de Mediano

Iste articlo tracta sobre o lugar viello de Mediano. Ta altros emplegos d'a parola Mediano se veiga Mediano (desambigación).

O lugar viello de Mediano (en castellano Pueblo viejo de Mediano) ye un lugar aragonés d'a val d'a Cinca que en l'actualidat se troba a dintro d'o termin municipal d'a Fueva, en a provincia de Uesca y comarca de Sobrarbe. Se troba totalment deshabitau y en estau d'enrunas como consecuencia d'a suya inundación con l'augua de l'entibo de Mediano dende o martes 29 d'abril de 1969.

Lugar viello de Mediano Pueblo viejo de Mediano
Despoblau d'Aragón
Entidat  • País  • Provincia  • Comarca  • Municipio	Despoblau  Aragón  Uesca Sobrarbe A Fueva (municipio)
Partiu chudicial	Boltanya
Población  • Total	0 hab. (2010)
Altaria  • Meyana	520 m.
Distancia  • 94 km  • 16 km  • 11 km	enta Uesca enta L'Aínsa enta Tierrantona
Codigo postal	22394
Parroquial  • Diocesi  • Arcipestrau	Balbastro-Monzón Sobrarbe-Ribagorza
Coordenadas
Lugar viello de Mediano Lugar viello de Mediano en Aragón

Fue capital d'o municipio homonimo dende 1834 dica la suya inundación, y feba de cabecera ta dos lugars mas en a redolada: Arasanz (que remató despoblando-se tamién, como consecuencia de l'entibo) y Sant Mitier que por a suya posición cheografica no se trobó guaire afectau.

En l'actualidat, a bel kilometro d'as restas d'o lugar, en o calcil d'o tozal de Sant Mitier se troba cualques casas que beluns d'os antigos habitants de Mediano se i fayón fer, en a ribera de l'entibo y chunto a la carretera A-138 que comunica Balbastro con l'Aínsa. L'asentamiento nuevo, que no tiene a estructura urbana d'os lugars tradicionals, recibe o nombre popular de Mediano nuevo ta distinguir-lo de l'antigo y cacegau.

Etimolochía

O nombre de Mediano ye dificil ta saber d'a on dimana. Manimenos, se sabe que en a parla churra (d'as comarcas interiors d'a Comunidat Valenciana), que ye un castellano que tiene un fuerte substracto aragonés, un mediano ye un terreno d'erial d'entre as uebras.

Imáchens

• 
  L'entibo de Mediano
• 
  A torre.

• 
  A renclusa de l'entibo.
• 

Fiestas

• Fiesta Mayor: primer cabo de semana d'agosto.

Vinclos externos

• Se veigan as imáchens de Commons sobre Mediano.

• Datos: Q13049576