Firefox (cinta)
- Iste articlo ye sobre una cinta estausunidense de cine d'intriga, acción y espionache de l'anyo 1982; ta atros usos, se veiga Firefox (desambigación).
Firefox (títol orichinal en anglés, en aragonés traducible como Rabosa de fuego, enguerada en Aragón con o suyo títol orichinal) ye una cinta de l'anyo 1982 de cine d'intriga d'acción y espionache coproducida por o cine estausunidense, o cine austriaco y lo cine groenlandés, dirichida por Clint Eastwood seguntes un guión adaptau por Alex Lasker y Wendell Wellman (basau en a novela Firefox, publicada por Craig Thomas en 1977), con una banda sonora orichinal de Maurice Jarre, una dirección de fotografía de Bruce Surtees y una producción cinematografica de Clint Eastwood ta la suya productora cinematografica Malpaso Productions. Conta con un elenco d'o cual en fan parte, entre d'atros, os actors Clint Eastwood, Freddie Jones, David Huffman, Warren Clarke, Ronald Lacey, Kenneth Colley, Klaus Löwitsch, Nigel Hawthorne, Stefan Schnabel, Thomas Hill, Curt Lowens, Clive Merrison, Kai Wulff, Dimitra Arliss, Austin Willis, Michael Currie, Alan Tilvern, Oliver Cotton, Hugh Fraser y Wolf Kahler.
Mitchell Gant ye un piloto d'avión estausunidense, antigo presonero de guerra mientres a Guerra de Vietnam y miembro d'un equipo d'entrenamiento en combat d'as Fuerzas Aerias d'Estaus Unius a qui los servicios secretos li proposan un plan: infiltrar-se en a Unión Sovietica ta apoderar-se d'un nuevo modelo d'avión de caza sovietico que poseye la peculiaridat de que o suyo control puet efectuar-se a traviés d'o pensamiento y no pas manualment. Dimpués de dentrar en a Unión Sovietica recibe l'aduya d'un grupo de chodigos anticomunistas (encara que treballan como tecnicos en o programa militar de l'avión sovietico); y cuan s'apodere de l'avión ha de marchar enta lo Polo Norte ta pasar a Alaska.
A cinta s'ambienta en Londres, Moscú y atros puestos d'a Unión Sovietica en l'actual Rusia, en Alaska y en l'Oceano Glacial Arctico en epoca actual d'a cinta (1982), y las suyas escenas se filmoron en Viena, Salzburgo y Estiria en Austria, en Groenlandia, en California (incluyiu San Diego) y Montana en Estaus Unius y en Anglaterra en o Reino Uniu, amás d'en os Warner Brothers Burbank Studios en Burbank en California.[2]
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ 1,0 1,1 (en) Enguero de Firefox en Internet Movie Database.
- ↑ (en) Localizacions de Firefox en Internet Movie Database.
- ↑ (en) Firefox en Internet Movie Database.
Datos: Q1418932
Multimedia: Firefox (film) / Q1418932